Аддзел навін 20 студзеня 2025, 16:16

Жонка Трампа абваліла яго новую крыпту

18 студзеня Дональд Трамп паказаў свой «афіцыйны» мемкойн $TRUMP. Наступнага дня ягоная жонка Меланія запусціла ўласны токен $MELANIA.

4 каментарыя

18 студзеня Дональд Трамп паказаў свой «афіцыйны» мемкойн $TRUMP. Наступнага дня ягоная жонка Меланія запусціла ўласны токен $MELANIA.

The Official Melania Meme is live!

You can buy $MELANIA now. https://t.co/8FXvlMBhVf

FUAfBo2jgks6gB4Z4LfZkqSZgzNucisEHqnNebaRxM1P pic.twitter.com/t2vYiahRn6
— MELANIA TRUMP (@MELANIATRUMP) January 19, 2025

Мемкойны — гэта крыптавалюты, якія ствараюцца на аснове якіх-небудзь хайповых ідэй. Іх курс вар'іруецца ад ступені цікавасці да іх з боку супольнасці і нічым не забяспечаны.

Токен Трампа стаў адным з самых хуткарослых у свеце. Ужо праз некалькі гадзін яго рынкавая капіталізацыя дасягнула мільярдаў долараў. Калі на старце ён каштаваў 18 цэнтаў, то на піку ўчора, паводле даных CoinMarketCap, курс падымаўся да $75,08, а капіталізацыя перавальвала за $15 млрд. Па гэтым паказчыку $TRUMP увайшоў у топ-20 крыптавалют свету, адзначае Forbes.

Пасля анонсу мемкойна Меланіі $TRUMP абваліўся прыкладна на 40%, але потым паступова пачаў аднаўляцца. На момант публікацыі курс знаходзіўся ў раёне $50.

Токен $MELANIA хутка ўзляцеў, аднак яго курс таксама моцна вагаецца. На піку каштаваў $13,64, а ягоная капіталізацыя складала прыкладна 2,6 млрд. У часе публікацыі ён каштаваў $8,55.

Цяпер крыптарынак рыхтуецца да чарговых гучных навін. Сын Трампа Эрык напісаў у Х, што «ўсё яшчэ толькі пачынаецца», маючы на ўвазе, мяркуючы з усяго, што будучая адміністрацыя мае намер многае зрабіць у сферы крыптавалют.

«Здаецца, крыптаваюты становяцца сямейным бізнэсам», — пажартавалі карыстальнікі Х.