Алеся Чапкевич bel 22 мая 2026, 12:29

У Беларусі з'явяцца ШІ-святлафоры

У Беларусі пачынаюць укараняць святлафоры пад кіраваннем ШІ. Яны павінны вырашыць праблему хранічных затораў на складаных скрыжаваннях, піша tochka.by.

Пакінуць каментарый

У Беларусі пачынаюць укараняць святлафоры пад кіраваннем ШІ. Яны павінны вырашыць праблему хранічных затораў на складаных скрыжаваннях, піша tochka.by.

Пілот запусцяць у Брэсце на адным з самых загружаных вузлоў на скрыжаванні вуліц Маскоўскай і Піянерскай.

ШІ будзе ў рэальным часе аналізаваць шчыльнасць трафіку і адаптаваць працу святлафораў пад бягучую абстаноўку. Калі ў адным кірунку назапашваецца больш машын, сістэма зменіць фазы, каб прапусціць паток хутчэй. Гэта павінна скараціць час чакання на скрыжаванні і паменшыць заторы.

Канкрэтныя тэрміны запуску ШІ-рэгулявання не называюцца. Але ў горадзе ўжо ўкараняецца праграма «Разумны горад», і падключэнне праблемнага скрыжавання да ШІ-сістэмы — пытанне часу, адзначае выданне. Калі эксперымент пройдзе ўдала, такія святлафоры з’явяцца і на іншых участках.