Навукоўцы адправяць макак займацца сэксам у космасе

Цяпер на кітайскай касмічнай станцыі ёсць біябоксы для водарасцей, рыбак і слімакоў. Адсекі прыйдзецца пашырыць, каб туды змясціліся буйнейшыя жывёлы. Іншая праблема — гэта захоўванне корму для малпаў і ўтылізацыя адходаў іх жыццядзейнасці. Выданне South China Morning Post адзначае, што пакуль невядома, як макакі будуць паводзіцца ў космасе. У цесных клетках на Зямлі яны адчуваюць сябе некамфортна: пачынаюць вырываць шэрсць, адмаўляцца ад ежы або актыўнасці. Таксама малпаў можа моцна спалохаць палёт у ракеце.

«На Зямлі малпу, якая запанікавала, можна супакоіць цацкамі, музыкай або проста грамадой суродзічаў. Як паклапаціцца пра шчасце і камфорт малпы ў космасе — новы выклік для астранаўтаў», — сказаў адзін з навукоўцаў, што ўдзельнічае ў праекце. Невядома і тое, ці могуць прыматы, у прыватнасці людзі, размнажацца і проста займацца сэксам у бязважкасці. Раней NASA заяўляла, што астранаўты ні разу не ўступалі ў інтымныя стасункі ў космасе.

Фізіёлаг Адам Уоткінс заўважыў, што сэкс у космасе можа выявіцца складанейшым заняткам, чым на Зямлі. Навуковец выказаў здагадку, што праз бязважкасць цяжка ўступіць у кантакт адно з адным. Таксама праз паніжаны ціску складана падтрымліваць эрэкцыю. Акрамя таго, на касмічных станцыях няма пакояў для адасаблення. Раней савецкія навукоўцы спрабавалі паставіць эксперымент па размнажэнні мышэй у космасе. Колькім грызунам атрымалася спаравацца, і ў самак нават з’явіліся прыкметы цяжарнасці, але ніводная з іх не нарадзіла нашчадкаў, вярнуўшыся на Зямлю.

У Steam з’явіцца Біблія — з агучкай і віктарынай

Па тэме

У Steam з’явіцца Біблія — з агучкай і віктарынай

Ашуканцы крадуць прамакоды для Modern Warfare II з упаковак вяленага мяса і прадаюць іх анлайн

Па тэме

Ашуканцы крадуць прамакоды для Modern Warfare II з упаковак вяленага мяса і прадаюць іх анлайн

Новая абсерваторыя NASA раскрыла некалькі сакрэтаў чорнай дзіркі

Па тэме

Новая абсерваторыя NASA раскрыла некалькі сакрэтаў чорнай дзіркі