Аддзел навін bel 17 ліпеня 2025, 10:40

МАРГ падаў скаргу на Wildberries у МУС за «экстрэмісцкія» тавары

Міністэрства антыманапольнага рэгулявання і гандлю падчас праверкі Wildberries выявіла ў інтэрнэт-краме тавары з сімволікай, якая забаронена беларускімі ўладамі.

Пакінуць каментарый

Міністэрства антыманапольнага рэгулявання і гандлю падчас праверкі Wildberries выявіла ў інтэрнэт-краме тавары з сімволікай, якая забаронена беларускімі ўладамі.

У ведамстве адзначылі, што ў асартыменце маркетплейса апынуліся прадметы з «прыкметамі экстрэмісцкай сімволікі і атрыбутыкі». Напрыклад, вокладкі да пашпартоў Беларусі, аўтамабільныя налепкі і іншыя пазіцыі. Зыходзячы са скрыншотаў МАРГ, тавары былі расійскай вытворчасці.

Што менавіта не спадабалася МАРГ, у публікацыі не ўдакладняецца. Але на скрыншотах не заблюраны назвы ў картках тавараў са слоганамі, якія беларусам нельга вымаўляць, а на размытых выявах прасвечваюцца сцягі, размешчаныя на таварах.

Інфармацыю пра гэта ведамства перадало праваахоўнікам. У Wildberries ужо адрэагавалі і прыбралі з вітрыны непажаданую прадукцыю, а таксама пераправерылі наяўнасць забароненых тавараў.