Аддзел навін 3 жніўня 2023, 13:34

Маск паабяцаў пагутарыць з гендырэктарам Apple наконт камісій App Store

Ілан Маск пагражае пагутарыць з Цімам Кукам наконт 30%-нага збору, які крама Apple спаганяе з усіх унутраных пакупак у iOS-праграмах.

1 каментарый

Маск паабяцаў пагутарыць з гендырэктарам Apple наконт камісій App Store

Ілан Маск пагражае пагутарыць з Цімам Кукам наконт 30%-нага збору, які крама Apple спаганяе з усіх унутраных пакупак у iOS-праграмах.

Камісія здымаецца і з падпісак, якія карыстальнікі прадаюць праз X (экс-Twitter). Мільярдэр хоча, каб Apple забірала 30% толькі з таго, што спаганяе сам Х, каб аўтарам даставалася больш грошай.

Маск дадаў, што ягоная кампанія таксама зменіць парадак збору камісій. Цяпер Х пачынае пакідаць сабе 10% даходаў ад падпісак стваральнікаў кантэнту па заканчэнні 12 месяцаў. У далейшым такі збор будзе спаганяцца толькі ў тым выпадку, калі сума перавышае $100 тысяч. Але на працягу першага года спаганяцца ўсё роўна нічога не будзе.

Летась Маск называў збор Apple схаваным «падаткам на інтэрнэт» і нават адцягваў запуск падпіскі Twitter Blue на iOS, каб не плаціць яго. Прыкладна тады ж прадпрымальнік заяўляў, што Apple пагражала выдаліць Twitter з App Store, але пасля візіту да Кука ў штаб-кватэру «яблычнай» кампаніі сказаў, што адбылося непаразуменне.