Алеся Чапкевич world 28 лістапада 2025, 13:37

Масавыя скарачэнні ў «кітайскім Google» — у некаторых аддзелах звольнілі да 40%

Кітайскі тэхнагігант Baidu на гэтым тыдні пачаў скарачэнні ў розных падраздзяленнях. Пра гэта піша Reuters са спасылкай на некалькі крыніц.

Пакінуць каментарый

Кітайскі тэхнагігант Baidu на гэтым тыдні пачаў скарачэнні ў розных падраздзяленнях. Пра гэта піша Reuters са спасылкай на некалькі крыніц.

Паводле суразмоўцаў выдання, звальненні будуць ісці да канца года. Колькі дакладна людзей пойдзе «пад нож», не вядома, але ўнутры кампаніі звальненні лічаць маштабнымі. Колькасць звольненых адрозніваецца ад падраздзялення да падраздзялення і па рэйтынгах прадуктыўнасці супрацоўнікаў, але ў некаторых камандах лічбы дасягаюць 40%.

Крыніцы кажуць, што асноўны ўдар прыйдзецца па аддзеле мабільнай экасістэмы. Пры гэтым пазіцыі, звязаныя з ШІ і воблачнымі вылічэннямі, застаюцца ў бяспецы. Укладанні ў ШІ кампанія плануе павялічыць.

Baidu аперыруе найбуйнейшым у краіне пашукавіком. Па стане на канец мінулага года кампанія налічвала 35,9 тысячы супрацоўнікаў, за год да гэтага — 39,8 тысячы, яшчэ за год — 41,3 тысячы. Напярэдадні яна дала справаздачу за 3 квартал, і ў яе другі квартал запар падае выручка. Сукупны даход у мінулым квартале ўпаў на 7%, а даходы ад анлайн-рэкламы — на 18%. Страта за квартал склала $1,59 млрд.

Baidu шмат гадоў інвестуе ў ШІ, але пакуль гэта не дапамагло аднавіць рост яе асноўнага — рэкламнага бізнесу, у якога адбіраюць рынак мясцовыя сацсеткі. У 2023 годзе кампанія выпусціла свой аналаг ChatGPT, але канкурыраваць з Alibaba і DeepSeek атрымліваецца не вельмі.