Алеся Чапкевич world 27 лістапада 2025, 21:04

У Кітаі папярэдзілі пра яшчэ адну бурбалку на тэхнарынку

Кітайскія ўлады папярэджваюць, што на тэхналагічным рынку можа сфармавацца яшчэ адна бурбалка у дадатак да ШІ-бурбалкі. На гэты раз — у сферы гуманоідных робатаў, піша Bloomberg.

Пакінуць каментарый

У Кітаі папярэдзілі пра яшчэ адну бурбалку на тэхнарынку

Кітайскія ўлады папярэджваюць, што на тэхналагічным рынку можа сфармавацца яшчэ адна бурбалка у дадатак да ШІ-бурбалкі. На гэты раз — у сферы гуманоідных робатаў, піша Bloomberg.

Прадстаўніца кітайскага Дзяржаўнага камітэта па развіцці і рэформах Лі Чао на сённяшнім брыфінгу ў Пекіне заявіла, што ў перадавых індустрый ёсць хранічныя складанасці з захаваннем балансу паміж імклівым ростам і рызыкай раздзьмування бурбалак. Цяпер яны ўзніклі ў сектары чалавекападобных робатаў.

У Кітаі над такімі робатамі працуе больш за 150 вытворцаў, і гэтая лічба расце. Па словах Лі, улады павінны не дапусціць, каб паток аднастайных мадэляў нашкодзіў рынку і забіў сабой прастору для даследаванняў і распрацовак. Яе заява сведчыць аб тым, што ў Кітаі занепакоены празмернымі інвестыцыямі ў галіну, якую кіруючая партыя называе адным з галоўных каталізатараў эканамічнага росту бліжэйшых гадоў.

У Citigroup прадказваюць «экспанентны» рост вытворчасці ў кітайскіх распрацоўшчыкаў чалавекападобных робатаў у наступным годзе. Кампаніі кшталту UBTech кажуць, што атрымліваюць гіганцкія заказы, але аб іх масавым укараненні на заводах і ў дамах пакуль гаворкі няма. Дарэчы, робаты UBTech хутка будуць служыць на мяжы Кітая і В’етнама — яны будуць выконваць дапаможныя функцыі.