У ШІ-агенце выявілі ўразлівасць, якая дазваляла староннім асобам знаходзіць чужыя перапіскі, у тым ліку з канфідэнцыйнымі дадзенымі. Даследчыкі знайшлі больш за 6800 спасылак, пасля чаго Meta адключыла функцыю абмену чатамі.
У ШІ-агенце выявілі ўразлівасць, якая дазваляла староннім асобам знаходзіць чужыя перапіскі, у тым ліку з канфідэнцыйнымі дадзенымі. Даследчыкі знайшлі больш за 6800 спасылак, пасля чаго Meta адключыла функцыю абмену чатамі.
Праблему выявілі спецыялісты ў кібербяспецы з Claroc. Muse дазваляў карыстальнікам дзяліцца перапіскамі праз спецыяльныя спасылкі, аднак іх адрасы змяшчалі назвы размоваў і трапілі ў агульнадаступныя для пошуку базы DNS-запісаў.
Дзякуючы гэтаму спасылкі можна было знайсці, нават калі ўладальнік перапіскі нікому іх не дасылаў. «Калі б нас спыталі загадзя, мы б меркавалі, што для збору гэтых дадзеных спатрэбяцца сур’ёзныя намаганні. Але хапіла аднаго запыту», — расказалі даследчыкі.
Спецыялісты вывучылі некалькі сотняў з 6800 знойдзеных спасылак. Сярод даступных матэрыялаў аказаліся канфідэнцыйныя нататкі кандыдата перад сумоўем у ШІ-кампаніі, унутраныя фінансавыя справаздачы, заяўка на крэдыт, інфармацыя пра банкаўскую аперацыю і каляндар адпачынкаў супрацоўнікаў з указаннем іх імёнаў.
Claroc паведаміла Meta пра праблему 8 кастрычніка. У адказ на запыт Ars Technica кампанія заявіла, што прыпыніла функцыю абмену перапіскамі і разглядае магчымасць змены механізму стварэння спасылак. Праблема датычыла толькі тых размоваў, якімі карыстальнікі вырашылі падзяліцца праз спасылкі, а не ўсіх перапісак з Muse.
Гэта не першае пытанне да бяспекі Muse. У верасні спецыяліст па кібербяспецы Патрык Уордл выявіў уразлівасць, якая дазваляла іншай аплікацыі на той жа прыладзе атрымаць кантроль над уліковым запісам карыстальніка Muse. Meta тады заявіла, што для эксплуатацыі памылкі прылада ўжо мусіла быць скампраметаваная.
Релоцировались? Теперь вы можете комментировать без верификации аккаунта.