Meta пачала тэставаць першыя ўласныя чыпы для трэніроўкі ШІ

Пакуль тэставанні ладзяцца ў невялікіх маштабах. Але калі яны пройдуць паспяхова, кампанія будзе нарошчваць вытворчасць чыпаў для больш шырокага ўкаранення.

Наяўнасць фірменных чыпаў дазволіць Meta знізіць залежнасць ад пабочных пастаўшчыкоў, такіх як Nvidia. Таксама гэта дапаможа скараціць вялікія выдаткі на інфраструктуру, звязаныя з распрацоўкай дарагіх ШІ-прадуктаў, якія кампанія разглядае як крыніцу росту. Агульны прагноз па выдатках Meta на 2025 год складае $114–119 млрд, з якіх да $65 млрд закладзена на капітальныя выдаткі на ШІ-інфраструктуру.

Паводле звестак крыніц выдання, чып Meta уяўляе сабой спецыялізаваны паскаральнік, адаптаваны пад ШІ-задачы. Ён больш энергаэфектыўны, чым графічныя працэсары, якія звычайна выкарыстоўваюцца для трэніроўкі ШІ. Для Meta чыпы вырабляе тайваньская кампанія TSMC.

Перадача чыпа ў вытворчасць і выпуск доследнай партыі можа каштаваць дзясяткі мільёнаў даляраў і займаць ад трох да шасці месяцаў. Гэта вельмі важны этап праектавання чыпаў, і ў выпадку няўдалага тэставання працэс давядзецца праходзіць нанова, выпраўляючы памылкі.

Кіраўніцтва Meta раней заяўляла, што плануе разгарнуць уласныя чыпы для навучання ШІ да 2026 года. Яны будуць выкарыстоўвацца, напрыклад, для стварэння рэкамендацыйных алгарытмаў, а таксама для прадуктаў на базе генератыўнага ШІ.

Meta павысіла бонусы менеджарам да 2х зарплаты нягледзячы на скарачэнні і памяншэнне выплат супрацоўнікам, пашыраецца ў Індыі

Па тэме

Meta павысіла бонусы менеджарам да 2х зарплаты нягледзячы на скарачэнні і памяншэнне выплат супрацоўнікам, пашыраецца ў Індыі