Николай Чикишев world 15 ліпеня 2025, 16:27

Meta выключыць ахопы і манетызацыю аўтарам, што крадуць кантэнт

Кампанія ўзмацняе барацьбу з карыстальнікамі ў фэйсбуку, якія паўторна публікуюць чужыя пасты, фота і відэа без дазволу ці значнай перапрацоўкі.

Пакінуць каментарый

Meta выключыць ахопы і манетызацыю аўтарам, што крадуць кантэнт

Кампанія ўзмацняе барацьбу з карыстальнікамі ў фэйсбуку, якія паўторна публікуюць чужыя пасты, фота і відэа без дазволу ці значнай перапрацоўкі.

Meta заявіла, што больш за 500 000 акаўнтаў ужо падвергліся санкцыям за спам-паводзіны і іншыя злоўжыванні. Па новых правілах старонкі, якія шматразова парушаюць правілы паўторнага выкарыстання чужога кантэнту, будуць пазбаўлены манетызацыі на пэўны тэрмін, а ўся актыўнасць такіх старонак будзе абмежавана — не толькі асобныя публікацыі. Гэта закране не толькі тэксты, але і фотаздымкі, відэа і іншы візуальны кантэнт.

«Меры накіраваны на барацьбу з сістэматычным крадзяжом кантэнту без дазволу ці без дадавання каштоўнасці, а не на фармат кшталту рэакцый ці рэміксаў», — адзначае Meta. Сацсетка таксама будзе зніжаць ахопы ўсіх публікацый парушальніка, а не толькі тых, якія былі скапіяваны. Гэта азначае, што аўтары, якія выкарыстоўваюць такія тактыкі для набору праглядаў, сутыкнуцца з рэзкім падзеннем заўважнасці і залучанасці.

Кампанія таксама разглядае ўкараненне спасылак на арыгінальную крыніцу для відэакантэнту на Facebook, калі сістэма выявіць дубляванне.