Аддзел навін 23 жніўня 2023, 14:13

Meta паказала нейрасетку для перакладу тэксту і маўлення на 100 моў

Meta выпусціла АІ-мадэль Seamless M4T, якая ўмее хутка і якасна распазнаваць тэкст і маўленне амаль на 100 мовах і выконваць пісьмовы або вусны пераклад.

1 каментарый

Meta паказала нейрасетку для перакладу тэксту і маўлення на 100 моў

Meta выпусціла АІ-мадэль Seamless M4T, якая ўмее хутка і якасна распазнаваць тэкст і маўленне амаль на 100 мовах і выконваць пісьмовы або вусны пераклад.

Мадэль здольная перакладаць тэкст і маўленне ў тэкст амаль на 100 мовах. Калі на выхадзе патрэбнае вуснае маўленне, выбар моў будзе меншы: маўленне можна перакласці ў маўленне на 36 мовах, а тэкст — у маўленне на 35 мовах.

Таксама Seamless M4T разумее, калі чалавек раптам пераходзіць на іншую мову — дзякуючы гэтаму яна здольная перакладаць людзей, якія ў маўленні змешваюць розныя мовы.

Адрозненне Seamless M4T у тым, што звычайна ў сістэмах вуснага перакладу выкарыстоўваюцца асобныя мадэлі для распазнання маўлення, перакладу тэксту і пераўтварэння тэксту ў маўленне. Seamless M4T — адзіная сістэма, якая выконвае ўсе задачы адразу. Паводле слоў распрацоўшчыкаў, гэта дазваляе знізіць колькасць памылак, скараціць час перакладу і палепшыць яго якасць.

Seamless M4T распаўсюджваецца па ліцэнзіі Creative Commons і свабодна даступная для АІ-даследчыкаў і перакладчыкаў. Таксама Meta апублікавала датасэт SeamlessAlign, які змяшчае 270 тысяч гадзін маўлення і расшыфраванага тэксту.