Николай Чикишев 10 лютага 2023, 13:00

Meta разблакавала фэйсбук і інстаграм Трампа

Кампанія аднавіла акаўнты былога прэзідэнта ЗША перад прэзідэнцкімі выбарамі.

Раней пра планы аднавіць акаўнт Трампа казаў прэзідэнт Meta ў глабальных пытаннях Нік Клег. Ён растлумачыў, што блакаванне будзе скасаванае ў сувязі з планамі Трампа ўзяць удзел у прэзідэнцкіх выбарах 2024 года.

Клег адзначыў, што за новае парушэнне правілаў для Трампа будуць сур’ёзнейшыя пакаранні, ніж астатнім. Адпаведны пост выдаляць, а сам акаўнт зноў заблакуюць на тэрмін ад месяца да двух гадоў.

У фэйсбуку ў палітыка 34 мільёны, а ў інстрагаме 23 мільёны падпісчыкаў. Раней быў разблакаваны твітар Трампа, аднак палітык нічога там не публікаваў. Былы прэзідэнт ЗША абвясціў аб удзеле ў перадвыбарнай гонцы пры канцы 2022 года.