Николай Чикишев 28 лютага 2023, 12:55

Meta збірае каманду для ўбудоўвання АІ-тэхналогій у Facebook і Instagram

Кампанія створыць новую групу каманд, якія сфакусуюцца на генератыўным штучным інтэлекце.

Пра гэта заявіў Марк Цукерберг у сваім фэйсбуку. У групу ўвойдуць некалькі каманд, якія будуць арганізаваныя пад кіраўніцтвам цяперашняга дырэктара па прадуктах Крыса Кокса. Цукерберг дадаў, што новыя «творчыя і экспрэсіўныя» АІ-інструменты будуць задзейнічаныя ў сэрвісах кампаніі.

«Мы вывучаем магчымасці працы з тэкстам (напрыклад, чаты ў WhаtsApp і Messenger), з выявамі (напрыклад, крэатыўныя фільтры Instagram і рэкламныя фарматы), а таксама з відэа і мультымадальнымі магчымасцямі. Нам трэба будзе зрабіць фундаментальную працу, перш ніж мы дабяромся да сапраўды футурыстычных магчымасцей, але я ў захапленні ад усяго новага, што мы створым на гэтым шляху», — напісаў Цукерберг.