Meta запусціла чат-бот, які сам знойдзе вам пару
Кампанія прэзентавала новыя функцыі для Facebook Dating, якія павінны палегчыць пошук партнёраў і скараціць час, які карыстальнікі марнуюць на бясконцыя свайпы.
Абнаўленне ўключае чат-бота Dating Assistant і функцыю Meet Cute, якая аўтаматычна падбірае пару раз на тыдзень. ШІ-асістэнт здольны дапамагаць у пошуку па канкрэтных запытах. Напрыклад, можна папрасіць знайсці «дзяўчыну з Брукліна, якая працуе ў ІТ».
Чат-бот таксама падказвае, як палепшыць профіль, і прапаноўвае ідэі для спатканняў. Ён з’явіцца ва укладцы Matches і паступова стане даступны карыстальнікам у ЗША і Канадзе.
Другая функцыя — Meet Cute — раз на тыдзень аўтаматычна злучае карыстальніка з патэнцыйным партнёрам на аснове персаналізаванага алгарытму.
Паводле слоў Meta, гэта рашэнне падыдзе тым, хто стаміўся ад бясконцых свайпаў і хоча «свежы спосаб пашырыць кола знаёмстваў». Карыстальнікі пры гэтым могуць адмовіцца ад удзелу ў Meet Cute.
Падобныя эксперыменты на рынку ўжо прадпрымаліся: яшчэ ў 2013 годзе сэрвіс OkCupid запускаў аплікацыю Crazy Blind Date, але яна не атрымала шырокага распаўсюджвання.
Читать на dev.by