Microsoft дадасць АІ-функцыі ў Paint і іншыя праграмы

Паводле даных Windows Central, у Paint дададуць генератар выяў, заснаваны на той жа нейрасетцы, якая выкарыстоўваецца платформай Bing Image Creator. Яна стварае выявы паводле тэкставага апісання карыстальнікаў. У Paint з’явіцца кнопка Magic Paint, якую размесцяць на бакавой панэлі інструментаў. З яе дапамогай карыстальнік зможа генераваць карцінкі. Пасля гэтага выяву можна будзе адрэдагаваць на палатне.

Выданне піша, што функцыі АІ могуць дадаць і ў іншыя праграмы Windows: «Фатаграфіі», «Камера», «Нажніцы». АІ будзе ідэнтыфікаваць людзей на фотаздымках, выразаць і ўстаўляць у іншыя выявы. «Камера» і «Нажніцы» атрымаюць функцыю распазнавання тэксту на фотаздымках і скрыншотах.