Microsoft хоча выпусціць сваю краму Xbox на Android
Пройгрыш Google у справе супраць Epic Games адкрыў іншым распрацоўшчыкам платформу Android. Xbox вырашыў арганізаваць уласны сэрвіс найбліжэйшым часам.
Амерыканскі суд абавязаў Google на працягу трох гадоў падаваць іншым крамам праграм роўныя ўмовы і не прымушаць распрацоўшчыкаў выкарыстоўваць сваю сістэму аплаты Google Play Billing. Google мае намер абскардзіць рашэнне суда.
«Нашая задача — дазволіць геймерам гуляць на большай колькасці прылад, таму мы радыя абвясціць, што, пачынаючы ад лістапада, карыстальнікі змогуць купляць гульні Xbox і гуляць у іх проста праз праграму Xbox на Android», — заявіла прэзідэнтка сэрвісу Сара Бонд.
Раней Microsoft пачала працу над мабільнай крамай праграм, якая будзе ўключаць праекты ад розных студый Xbox і ўнутрыгульнявыя прадметы. У жніўні гэтага года пачалося тэсціраванне браўзернай версіі крамы.
Читать на dev.by