Microsoft плануе будаваць ядзерныя рэактары для сваіх цэнтраў апрацоўкі даных. Навошта ёй гэта трэба?

Яшчэ летась з’явілася вакансія топ-менеджара Microsoft па ўкараненні малых модульных рэактараў (SMR) і мікрарэактараў для сілкавання дата-цэнтраў. Эрын Хендэрсан да прыходу ў Microsoft амаль 13 гадоў прапрацавала ў дзяржаўнай камунальнай кампаніі Tennessee Valley Authority. Таксама яна працавала на АЭС Уотс-Бар і Секвоя. Арчы Манохаран раней была супрацоўніцай Ultra Safe Nuclear (USNC). Кампанія займаецца распрацоўкай модульных рэктараў. Акрамя таго, яна была менеджаркай па ліцэнзаванні BWX Technologies, якая спецыялізуецца на пастаўках ядзернага паліва для модульных рэактараў.

Такія ўстаноўкі могуць знізіць нагрузку на традыцыйныя энергасеткі, паколькі дата-цэнтры спажываюць вялікую колькасць энергіі. Асабліва гэта тычыцца тых цэнтраў, што звязаныя з воблачнымі вылічэннямі і штучным інтэлектам. Гэтая ініцыятыва з’яўляецца часткай шырэйшай стратэгіі Microsoft па пошуку інавацыйных энергетычных рашэнняў для сваёй інфраструктуры, якая пашыраецца. Кампанія актыўна прыцягвае крэдыты на чыстую энергію і праяўляе цікавасць да атамнай энергетыкі як да ўстойлівай крыніцы энергіі.

SMR і мікрарэактары маюць шэраг пераваг у параўнанні з традыцыйнымі ядзернымі рэактарамі. Яны больш танныя, кампактныя і хутчэй узводзяцца, ніж звычайныя АЭС. Такія рэактары могуць стаць эканамічна эфектыўным рашэннем і патэнцыйна больш простым у рэалізацыі. Тым не менш у такога рашэння ёсць і свае мінусы, звязаныя з пастаўкамі ўзбагачанага ўрану, захоўваннем ядзерных адкідаў і пытаннямі бяспекі.

Гарачым прыхільнікам выкарыстання рэактараў з’яўляецца заснавальнік Microsoft Біл Гейтс. Яго галоўны аргумент: атамная энергетыка не стварае выкідаў парніковых газаў, асноўнага каталізатара кліматычных змен. Тым не менш роля атамнай энергетыкі ў барацьбе са змяненнем клімату дагэтуль горача абмяркоўваецца, і ў кампаніі можа з’явіцца цэлы шэраг праблем з укараненнем тэхналогіі: ад рэпутацыйных выдаткаў да пабудовы ланцужка паставак ядзернага паліва, чым раней Microsoft ніколі не займалася.

Акрамя інвестыцый у ядзерную інфраструктуру Microsoft актыўна ўкладвае сродкі ў распрацоўку тэхналогіі ядзернага сінтэзу. Тэрмаядзерны сінтэз — тэарэтычна перспектыўны крыніца чыстай энергіі, здольная генераваць у чатыры разы больш энергіі на кілаграм паліва, ніж дзяленне ядраў, з меншым аб’ёмам радыеактыўных адкідаў. Нягледзячы на дзесяцігоддзі даследаванняў і нядаўнія адкрыцці ў гэтай галіне, большасць экспертаў сыходзіцца ў меркаванні, што да стварэння тэрмаядзернай электрастанцыі застаецца як мінімум некалькі дзесяцігоддзяў.

Раней камісія па ядзерным рэгуляванні ЗША сертыфікавала канструкцыю SMR, што адкрывае кампаніям камерцыйнае выкарыстанне гэтай тэхналогіі. Для рэактараў SMR патрабуецца большая колькасць высокаўзбагачанага ўрану (HALEU), ніж для традыцыйных рэактараў. Асноўным пастаўшчыком HALEU на сусветным рынку з’яўляецца Расія, пасля пачатку вайны ва Украіне расійскі вытворца ўрану трапіў пад заходнія санкцыі. Гэта змушае ЗША развіваць уласны ланцужок паставак урану.

Чытачы, што для вас dev.by?

• Месца сустрэчы з суполкай?
• Крыніца навін аб ІТ Беларусі?
• Крыніца любых навінаў?
• Месца для дыскусіі?
• Пляцоўка для адукацыі і абмену досведам?
• Кар’ерны кансультант?
• Можа, усё вышэйпералічанае. А можа, нешта іншае?

А хто вы для dev.by?

Супольнасць, якая развівае беларускую ІТ-індустрыю і робіць яе поўнай таленавітых праектаў, цікавых дыскусій і навін. Мы тут, каб трымаць вас у курсе гэтых прыгод. dev.by для нас — гэта ўсё вышэйпералічанае, а яшчэ — праца. Падтрымайце нашу рэдакцыю!

Вашы грошы даюць нам магчымасць аплачваць працу журналістам, менеджэрам, распрацоўшчыкам, прадзюсарам — усім тым, хто робіць dev.by.

Падтрымаць нас можна:

— Праз Patreon

— Праз Donorbox (калі вы ў Беларусі)

— Крыптой, тут гаманцы. 

Дзякуй!