Кампанія абвясціла аб серыі змен у Windows 11, якія прадугледжваюць частковую адмову ад празмернай інтэграцыі ШІ-асістэнта Copilot і фокус на паляпшэнні базавай прадукцыйнасці сістэмы.
Кампанія абвясціла аб серыі змен у Windows 11, якія прадугледжваюць частковую адмову ад празмернай інтэграцыі ШІ-асістэнта Copilot і фокус на паляпшэнні базавай прадукцыйнасці сістэмы.
Microsoft плануе скараціць колькасць пунктаў доступу да Copilot у шэрагу ўбудаваных праграм: у прыватнасці, у «Фотаздымках», «Віджэтах», «Нататніку» і інструменце «Нажніцы». Паводле слоў выканаўчага віцэ-прэзідэнта падраздзялення Windows і Devices Павана Давулуры, кампанія мае намер больш усвядомлена ўкараняць ШІ-функцыі і пакідаць іх толькі там, дзе яны «сапраўды карысныя».
Карэктыроўка стратэгіі адбываецца на фоне крытыкі з боку карыстальнікаў, якія скардзіліся на перагружанасць інтэрфейсу і лічылі многія ШІ-опцыі навязлівымі і малаэфектыўнымі. У сеціве нават з’явілася іранічная мянушка Microslop. Паводле дадзеных прафільных СМІ, кампанія таксама раней разглядала адмову ад часткі сістэмных ШІ-функцый у наладах і «Правадніку», каб знізіць рэпутацыйныя рызыкі.
Адначасова Microsoft рыхтуе шэраг абнаўленняў, якія павышаюць зручнасць працы з сістэмай. Сярод змен — магчымасць перамяшчаць панэль задач у верхнюю ці бакавыя часткі экрана, паскарэнне працы «Праваднікa», паляпшэнне стабільнасці і зніжэнне базавага спажывання памяці.
Карыстальнікам таксама абяцаюць больш гнуткі кантроль над абнаўленнямі Windows: іх можна будзе адкладваць, прапускаць пры пачатковай наладзе прылады або перазагружаць камп’ютар без абавязковай усталёўкі апдэйтаў.
Рэлацыраваліся? Цяпер вы можаце каментаваць без верыфікацыі акаўнта.