Microsoft будзе «паведамляць» вашаму начальніку, калі вы не карыстаецеся ШІ
Microsoft укараняе новую функцыю кантролю за выкарыстаннем ШІ на працоўным месцы. Абнаўленне маніторынгавага інструмента Viva Insights, які ўваходзіць у «платформу досведу супрацоўнікаў» Microsoft Viva, дазваляе кіраўнікам бачыць, якія каманды актыўна ўжываюць Copilot, а якія — ігнаруюць яго. Кампанія як бы намякае, што хоча зрабіць выкарыстанне ШІ супрацоўнікамі сваіх кліентаў не проста рэкамендацыяй, а абавязковым — ён жа павышае прадукцыйнасць, піша TechSpot.
Microsoft укараняе новую функцыю кантролю за выкарыстаннем ШІ на працоўным месцы. Абнаўленне маніторынгавага інструмента Viva Insights, які ўваходзіць у «платформу досведу супрацоўнікаў» Microsoft Viva, дазваляе кіраўнікам бачыць, якія каманды актыўна ўжываюць Copilot, а якія — ігнаруюць яго. Кампанія як бы намякае, што хоча зрабіць выкарыстанне ШІ супрацоўнікамі сваіх кліентаў не проста рэкамендацыяй, а абавязковым — ён жа павышае прадукцыйнасць, піша TechSpot.
У Viva Insights з’явіліся «Copilot adoption benchmarks» — метрыкі ўцягнутасці, якія дазваляюць параўноўваць выкарыстанне ШІ паміж аддзеламі, рэгіёнамі і пасадавымі групамі ўнутры кампаніі. Акрамя таго, Viva Insights паказвае, як арганізацыя выглядае на фоне канкурэнтаў па колькасці актыўных карыстальнікаў Copilot і частаце яго выкарыстання.
Функцыянал не адсочвае асобных супрацоўнікаў, але дазваляе менеджарам бачыць агульную дынаміку па камандах. Па сутнасці Microsoft геймiфікуе ўкараненне ШІ ў карпаратыўным асяроддзі: чым больш ваш аддзел карыстаецца Copilot, тым лепш вы выглядаеце ў параўнанні з калегамі ўнутры і за межамі кампаніі.
Такі падыход наўрад ці спадабаецца ўсім: супрацоўнікі ўжо скардзяцца, што ператвараюцца ў частку «ШІ-канвеера», дзе расце аб’ём працы, але падае крэатыўнасць.
Нягледзячы на заявы Microsoft, эфектыўнасць Copilot спрэчная. Даследаванні паказваюць, што ШІ-памочнікі нярэдка запавольваюць дасведчаных распрацоўшчыкаў, а таксама што яны не зніжаюць выгаранне і не павялічваюць агульную прадукцыйнасць.
Тым не менш многія кампаніі ўкараняюць ШІ у загадным парадку. CEO Coinbase у жніўні заявіў, што звольніў інжынераў, якія адмовіліся выкарыстоўваць ШІ. У Microsoft і Yahoo Japan выкарыстанне Copilot ужо абавязкова, а апошняя спадзяецца з яго дапамогай падвоіць прадукцыйнасць.
Релоцировались? Теперь вы можете комментировать без верификации аккаунта.