Microsoft замяняе супрацоўнікаў ШІ-інструментамі, якія яны самі стварылі

Крыніцы MobileGamer мяркуюць, што пацярпелых будзе больш. «Пад нож» пойдуць супрацоўнікі офісаў у Лондане, Барселоне, Стакгольме і Берліне. Гэта будуць кіраўнікі сярэдняга звяна, наратыўныя і UX-дызайнеры, дызайнеры ўзроўняў, тэсціроўшчыкі і аналітыкі.

Зараз King вядзе перамовы з прафсаюзам. Частку людзей адхілілі ад працы, але заробак ім працягваюць плаціць. Звальненні павінны завяршыцца ў верасні. Многія з тых, каго звальняюць, у тым ліку дызайнеры ўзроўняў і наратыўшчыкі, апошнія некалькі гадоў выдаткавалі на стварэнне і навучанне ШІ-інструментаў, заточаных пад іх патрэбы. Цяпер гэтыя інструменты замяняць іх саміх.

У кампаніі ходзяць чуткі, што частку супрацоўнікаў вырашылі звольніць за адкрытую крытыку King. Але перш за ўсё звальненні накіраваны на спрашчэнне кіраўнічай структуры: у King шмат дублюючых пасад, і гэта тармозіць працу. Унутранае апытанне, праведзенае незадоўга да анонса звальненняў, паказала, што маральны дух супрацоўнікаў і  так быў вельмі нізкі, а цяпер ён проста на дне.

Тым не менш партал WCCFTech піша, што скарачэнні ў гульнявым падраздзяленні Microsoft увогуле і ў King у прыватнасці мала звязаны з фінансамі — у кампаніі шматмільярдныя квартальныя выручкі, высокія чыстыя прыбыткі, а стаўленне геймераў да яе гульнявога бізнесу заўсёды было вельмі пазітыўным. Скарачэнні тлумачацца толькі жаданнем кампаніі вырвацца наперад у ШІ-гонцы і ўтрымаць у ёй перавагу.