Microsoft спрабуе паказваць рэкламу ў меню «Пуск» у Windows 11

Спачатку рэкламу ўбачаць амерыканскія карыстальнікі, якія з’яўляюцца бэта-тэсцерамі ў праграме Windows Insider у канале Beta Channel. Рэклама не будзе з’яўляцца на карпаратыўных прыладах і ПК, якія не ўдзельнічаюць у праграме. Паказ рэкламы можна будзе адключыць у раздзеле «Персаналізацыя» ў «Наладах».

Таксама карыстальнікі паведамляюць аб раздражняльнай рэкламе Windows 11 у папярэдняй версіі сістэмы. У паведамленні кампанія нагадвае пра дату спынення падтрымкі АС, да якой застаецца каля паўтара года, а таксама прапаноўвае азнаёміцца з варыянтамі міграцыі на Windows 11. Карыстальнікі заўважылі, што рэклама з’яўляецца нават ва ўладальнікаў несумяшчальных з новай сістэмай камп’ютараў.

Рэклама праграм ужо ёсць у меню «Пуск» WIndows 10. Упершыню аб тэсціраванні фармату стала вядома год таму, тады функцыя з’явілася на Windows 11 Insider Preview Build 23435 для карыстальнікаў у канале Dev Channel. Раней рэкламу падпіскі Microsoft 365 Family паказвалі кліентам Office 2021.

Сярод усіх АС сямейства Windows дагэтуль лідзіруе дзясятая версія з рынкавай доляй у 69,04%. WIndows 11 знаходзіцца на другім месцы з доляй 26,7%. На трэцім знаходзіцца Windows 7 з доляй 3,04%. Такім чынам кампанія імкнецца падштурхнуць карыстальнікаў перайсці на апошнюю версію АС.