Midjourney плануе дазволіць АІ-рэдагаванне любых выяў з сеціва
Платформа хоча дазволіць карыстальнікам рэдагаваць загружаныя выявы з дапамогай генератыўнага АІ. Новая функцыя дазволіць змяняць тэкстуру і колеру аб’ектаў на аснове тэкставых апісанняў.
Midjourney плануе ад наступнага тыдня ўкараніць абноўлены вэб-інструмент, які дазволіць карыстальнікам рэдагаваць любыя загружаныя з інтэрнэту выявы. Гэты інструмент дасць магчымасць змяняць тэкстуры аб’ектаў на выявах, перафарбоўваючы іх у адпаведнасці з запытамі.
АІ-рэдагаванне выяў становіцца ўсё больш папулярным, і распрацоўшчыкі думаюць над пытаннем, як маркіраваць такія выявы, каб адрозніваць іх ад цалкам генератыўных. Раней Midjourney ўкараніла стандарт IPTC, які ўбудоўвае метаданыя ў малюнкі і паказвае, што яны былі згенераваныя АІ.
Тым не менш кампанія застаецца адной з нямногіх буйных АІ-платформаў, якія не прынялі тэхналогіі C2PA, якая дазваляе адсочваць поўнае паходжанне малюнка, уключаючы інфармацыю аб абсталяванні і праграмным забеспячэнні, выкарыстаным для яго стварэння. Стандарт C2PA актыўна прасоўвае Google.
Гендырэктар Midjourney Дэвід Хольц заявіў, што доступ да абноўленага інструмента рэдагавання спачатку будзе дадзены «абмежаванай групе супольнасці». Гэтае рашэнне звязанае з тым, што Midjourney плануе павялічыць колькасць мадэратараў — як людзей, так і «новых, больш прасунутых АІ-мадэратараў» — для прадухілення злоўжыванняў.
«Шчыра кажучы, мы пакуль не ўпэўненыя, як менавіта абмежаваць выкарыстанне гэтай функцыі», — прызнаўся Хольц. Midjourney збірае водгукі карыстальнікаў, апытанне дапаможа вызначыць, хто атрымае доступ да функцыі ў першую чаргу.
Читать на dev.by