«Мілкшэйк замест мозга»: эсэмэмшчыкі Need For Speed пасварыліся з геймерамі. Тыя не разгубіліся

Афіцыйны акаўнт гульні параіў незадаволенаму цэннікам карыстальніку «паплакаць або купіць за звычайную цану». Пазней менеджар акаўнта напісаў, што ў геймера «мілкшэйк замест мозга». Геймеры адказалі гэтак жа рэзка: многія заявілі, што з падобным стаўленнем не будуць купляць Unbound, а знойдуць пірацкую версію.

Праз суткі пасля сваркі акаўнт выдалілі, а прадстаўнікі распрацоўшчыкаў папрасілі прабачэння перад гульцамі. «Прызнаем, што крыху захапіліся хайпам на тле хуткага рэлізу і некаторыя нашы адказы перасеклі мяжу. Просім прабачэння ў фанатаў, якіх знервавалі. Надалей будзем лепшымі. Убачымся на наступным тыдні», — пазначана ў паведамленні. Публікацый пра гульню не будзе да рэлізу 2 снежня. Гульня выйдзе на ПК, PS5 і Xbox Series X|S.