Аддзел навін 21 кастрычніка 2024, 09:59

У Беларусі разблакавалі доступ да анлайн-кінатэатра Okko

Мінінфарм аднавіў доступ да расійскага анлайн-кінатэатра оkko.tv. Пра гэта паведаміла прэс-служба ведамства.

Як заявілі ў Мінінфарме, пастанова аб разблакаванні доступу была прынятая «ў сувязі з ліквідацыяй уладальнікам гэтага інтэрнэт-рэсурсу парушэння, якое паслужыла падставай для абмежавання доступу».

Доступ да Okko для беларускіх карыстальнікаў быў заблакаваны 30 верасня.

Прэс-служба Мінінфарма паведаміла, што падставай для такога рашэння стала парушэнне нормаў арт. 38 Закона аб СМІ ў частцы размяшчэння на дадзеным рэсурсе забароненай інфармацыі, накіраванай на прапаганду гвалту і жорсткасці.

OKKO — адзін з найбуйнейшых расійскіх анлайн-кінатэатраў. Станам на 2023 год ён займаў чацвёртае месца сярод расійскіх анлайн-кінатэатраў па колькасці падпісчыкаў.

2 каментарыя

Тэкст: Аддзел навін

Знайшлі памылку ў тэксце-вылучыце яе і націсніце Ctrl+Enter. Знайшлі памылку ў тэксце-вылучыце яе і націсніце кнопку «Паведаміць пра памылку».