Мінлічбы РФ падумвае дазволіць пірацкія анлайн-кінатэатры

Паводле звестак РБК, міністэрства абмяркоўвае гэтую ініцыятыву з прадстаўнікамі галіны. Разглядаюцца некалькі ўмоў: кантэнт не мае быць легальна даступны ў расійскіх анлайн-кінатэатрах, не мае знаходзіцца ў пракаце і не мае ўтрымліваць экстрэмісцкія матэрыялы і «прапаганду ЛГБТ».

Раней кампаніі Disney, Warner Bros. ды іншыя заходнія студыі прыпынілі працу ў Расіі. У Дзярждуму ўнеслі законапраект аб прымусовым ліцэнзаванні кантэнту праваўладальнікаў з «недружалюбных» краін, у якіх адклікалі ліцэнзіі. Праз крытыку дакумента анлайн-кінатэатрамі законапраект вярнулі аўтару.