Сусветная вытворчасць смартфонаў дасягнула 10-гадовага мінімуму

Гэта найгоршыя паказчыкі за асобны квартал і за першае паўгоддзе за апошнія 10 гадоў.

TrendForce называе тры прычыны такой з’явы:

• Паслабленне каранавірусных абмежаванняў у Кітаі не прывяло да росту попыту.
• Не апраўдаў чаканняў індыйскі рынак, які расце.
• Першапачаткова чакалася, што кампаніі вернуцца да нармальных тэмпах вытворчасці па меры распродажаў складскіх рэшткаў. Але бягучы эканамічны спад стрымлівае спажывецкія выдаткі.

Лідарам у вытворчасці застаецца Samsung. Паўднёвакарэйская кампанія за 2 квартал адгрузіла 53,9 млн смартфонаў, што, аднак, на 12,4% менш, ніж у 1 квартале. У Apple 2 квартал звычайна самы слабы ў плане вытворчасці ў сувязі з пераходам на новую мадэльную лінейку. «Яблычная» кампанія выпусціла за справаздачны перыяд 42 млн смартфонаў — мінус 21,2% у параўнанні з папярэднім кварталам.

Xiaomi і Oppo наадварот нарасцілі вытворчасць — на траціну і на чвэрць адпаведна. Таксама ў топ-5 глабальных вытворцаў упершыню ўвайшла Transsion (брэнды TECNO, Infinix і Itel). Яна адгрузіла 25,1 млн смартфонаў — на 71,9% больш, ніж у 1 квартале.

У цэлым аналітыкі адзначаюць, што попыт на спажывецкіх рынках Кітая, Еўропы і Паўночнай Амерыкі ў 2 квартале не паказаў адчувальнага аднаўлення. І нават у выпадку паляпшэння эканамічных паказчыкаў на індыйскім рынку вярнуць назад глабальны спад вытворчасці смартфонаў усё роўна будзе складана. Паводле прагнозу TrendForce, вытворчасць смартфонаў у 2 паўгоддзі можа скараціцца яшчэ больш праз цяжкую эканамічную сітуацыю ў свеце.