Alibaba стварыла свой аналаг ChatGPT

«Мы знаходзімся на тэхналагічным водападзеле, абумоўленым генератыўным штучным інтэлектам і воблачнымі вылічэннямі, і прадпрыемствы ва ўсіх сектарах пачалі выкарыстоўваць інтэлектуальную трансфармацыю, каб быць на крок наперадзе», — заявіў генеральны дырэктар кампаніі Даніэль Чжан.

Распрацоўку холдынгу плануюць інтэграваць ва ўсе бізнэс-праграмы кампаніі. Спачатку моўная панэль будзе інтэграваная ў DingTalk, праграму Alibaba для абмену паведамленнямі. Яе можна выкарыстоўваць для падвядзення вынікаў сходаў, напісання электронных лістоў і складання бізнэс-прапаноў. Таксама мадэль дададуць у Tmall Genie, галасавы памочнік Alibaba і на AliExpress.