Кітайскі стартап Moonshot AI прадставіў Kimi K3 — мадэль з 2,8 трыльёна параметраў, якую кампанія называе найбуйнейшай адкрытай ШІ-сістэмай у свеце. Паводле вынікаў шэрагу тэстаў яна наблізілася да флагманскіх мадэляў Anthropic і OpenAI.
Кітайскі стартап Moonshot AI прадставіў Kimi K3 — мадэль з 2,8 трыльёна параметраў, якую кампанія называе найбуйнейшай адкрытай ШІ-сістэмай у свеце. Паводле вынікаў шэрагу тэстаў яна наблізілася да флагманскіх мадэляў Anthropic і OpenAI.
Kimi K3 прызначана для складаных разважанняў, праграмавання і выканання працяглых шматэтапных задач. Кантэкстнае акно мадэлі складае 1 мільён токенаў, дзякуючы чаму яна можа апрацоўваць вялікія аб’ёмы кода, дакументаў ды іншых дадзеных у межах аднаго запыту.
Поўныя вагі Kimi K3 плануецца апублікаваць 27 ліпеня. Пасля гэтага распрацоўшчыкі змогуць самастойна запускаць і мадыфікаваць мадэль. Ужо цяпер яна даступная праз сайт Kimi і праграмны інтэрфейс Moonshot AI.
Кампанія сцвярджае, што ў задачах па аптымізацыі графічных працэсараў Kimi K3 паказала вынікі на ўзроўні Claude Fable 5 і перасягнула Claude Opus 4.8, GPT-5.6 Sol і GPT-5.5. Незалежныя тэсты таксама паставілі кітайскую мадэль у лік лідараў.
У рэйтынгу Vals AI Kimi K3 заняла другое месца пасля Fable 5, апярэдзіўшы GPT-5.6 Sol. Artificial Analysis ацаніла яе прадукцыйнасць як параўнальную з GPT-5.5 і Claude Opus 4.8. Мадэль таксама ўзначаліла рэйтынг Arena.ai па стварэнні вэб-інтэрфейсаў.
Moonshot прадэманстравала магчымасці Kimi K3 на прыкладзе аўтаномнай распрацоўкі эксперыментальнага чыпа. На працягу 48 гадзін мадэль самастойна прайшла этапы праектавання, аптымізацыі і праверкі. Атрыманы праект плошчай 4 мм² змог у сімуляцыі апрацоўваць больш за 8,7 тысячы токенаў у секунду.
Кошт выкарыстання Kimi K3 праз API складае $3 за 1 мільён уваходных і $15 за 1 мільён выходных токенаў. Апрацоўка закэшаваных уваходных дадзеных каштуе $0,30 за 1 мільён токенаў. Інтэрфейс мадэлі сумяшчальны з інструментамі OpenAI, што павінна спрасціць пераход на яе існуючых прыкладанняў.
Рэлацыраваліся? Цяпер вы можаце каментаваць без верыфікацыі акаўнта.
чтото китайцы своими PMPO заставляют сильно сомневаться в заявленных характеристиках.