Моўны бар’ер паміж зумерамі ды іх старэйшымі калегамі перашкаджае эфектыўнай працы, піша Fortune. Зумеры лічаць, што папросту эканомяць час, а старэйшыя кіраўнікі ўспрымаюць гэта як прафесійную некампетэнтнасць і грубасць — у выніку 80% маладых супрацоўнікаў сутыкаюцца з сур’ёзнымі цяжкасцямі ў камунікацыі.
Моўны бар’ер паміж зумерамі ды іх старэйшымі калегамі перашкаджае эфектыўнай працы, піша Fortune. Зумеры лічаць, што папросту эканомяць час, а старэйшыя кіраўнікі ўспрымаюць гэта як прафесійную некампетэнтнасць і грубасць — у выніку 80% маладых супрацоўнікаў сутыкаюцца з сур’ёзнымі цяжкасцямі ў камунікацыі.
Раней негалосныя нормы офісных зносін засвойваліся жывым чынам: навічкі пераймалі стыль лістоў кіраўніцтва і тон паведамленняў у карпаратыўных чатах непасрэдна ў калектыве. Але зумеры масава выйшлі на працу ў эпоху дыстанцыйкі і пандэміі, калі камунікацыя перамясцілася на экраны камп’ютараў, а правілы размыліся сацсеткамі, месенджарамі і ШІ-алгарытмамі.
Сутнасць канфлікту не толькі ў веданні маладзёжнага слэнгу — накшталт «delulu» (ад delusional — той, хто жыве ілюзіямі або адарваны ад рэальнасці), «rizz» (харызма, чароўнасць) або «no cap» (без хлусні, сумленна) — у параўнанні з карпаратыўнымі ідыёмамі старэйшых пакаленняў накшталт «boil the ocean» (узяцца за непад’ёмную задачу), «move the needle» (прыкметна паўплываць на вынік) або «blue-sky thinking» (мазгавы штурм без абмежаванняў).
Паводле травеньскага апытання Censuswide, 80% прадстаўнікоў пакалення Z лічаць моўныя адрозненні з калегамі сур’ёзнай праблемай, тады як сярод бумераў гэты паказчык складае толькі 30%. 76% бумераў не ведаюць значэння слова «delulu», а 78% зумераў не разумеюць сэнс фразы «boil the ocean».
Праблема глыбейшая, паколькі адрозненні мяняюць уяўленне пра прафесіяналізм, а разуменне нормаў валіцца на ўзроўні паўсядзённых інструментаў. Сацыялінгвісты адзначаюць, што ў старэйшых супрацоўнікаў сфармаваны ўстойлівы «працоўны рэгістр»: яны ўспрымаюць электронную пошту як фармальны канал сувязі, а месенджары пакідаюць для хуткіх працоўных нататак. Зумеры, якія выраслі на сацсетках, часта пераносяць нефармальны стыль і ў пошту — не выкарыстоўваюць вітанні і знакі прыпынку або звяртаюцца да кіраўніцтва па імені, а не з тытулам і прозвішчам (напрыклад, «Прывет, Рэнэ» замест «Добрай раніцы, прафесар Блэйк»). Старэйшае пакаленне бачыць у такой манеры элементарную грубасць і некампетэнтнасць.
Калі раней можна было сядзець побач з вопытным калегам і пераймаць ягоныя звычкі, то цяпер, каб засвоіць дзелавы этыкет, маладыя супрацоўнікі ўсё часцей звяртаюцца да генератыўнага ШІ. Аднак згенераваныя лісты нярэдка выглядаюць занадта сухімі і шаблоннымі. Эксперты падкрэсліваюць, што пандэмійная ізаляцыя паўплывала на ўсе пакаленні без выключэння, але ў зумераў гэты досвед супаў з пачаткам кар’еры.
Зрэшты, разрыў хутка павернецца і ў другі бок, бо ў падрастаючага пакалення Альфа свой, незразумелы зумерам слэнг. 41% апытаных зумераў не ведаюць значэння слова «Ohio» (дзіўны або абсурдны кантэнт), а 75% — слова «skibidi» (элемент з інтэрнэт-мемаў, які азначае нешта крутое, дзіўнае або папросту выкарыстоўваецца як слова-запаўняльнік).
Релоцировались? Теперь вы можете комментировать без верификации аккаунта.