Жыхар Паўночнай Каралiны Джалiл Рычардсан правёў больш за 50 дзён у турме пасля памылкі сістэмы ШІ-распазнавання твараў. Яго арыштавалі ў справе аб угоне ва Флорыдзе, хоць у момант злачынства ён быў на працы за сотні кіламетраў.
Жыхар Паўночнай Каралiны Джалiл Рычардсан правёў больш за 50 дзён у турме пасля памылкі сістэмы ШІ-распазнавання твараў. Яго арыштавалі ў справе аб угоне ва Флорыдзе, хоць у момант злачынства ён быў на працы за сотні кіламетраў.
Паводле дадзеных Action News Jax, паліцыя ў Джэксанвілі загрузіла відэа з камеры назірання прыватнага бізнесу ў сістэму распазнавання твараў. Алгарытм выдаў супадзенне з Рычардсанам на ўзроўні 85%. Разам з паказаннямі двух сведкаў гэтага аказалася дастаткова, каб арыштаваць падазраванага.
Пазней высветлілася, што падчас злачынства Рычардсан знаходзіўся на працы за сотні кіламетраў ад месца здарэння. Ягоныя адвакаты змаглі пацвердзіць алібі ў судзе, пасля чаго пракуратура зняла абвінавачванні.
«Не было праведзена нармальнага расследавання — ніхто нават не звязаўся са мной і не праверыў, ці быў я наогул ва Флорыдзе», — сказаў Рычардсан. Паводле яго, праз арышт ён страціў працу, жытло і апеку над двума дзецьмі.
Гэта не першы падобны выпадак, звязаны з праваахоўнымі органамі ў раёне Джэксанвіла. Раней Роберта Дылана памылкова арыштавалі пасля таго, як сістэма распазнавання твараў выдала 93-працэнтнае супадзенне па справе аб спробе выкрадання дзіцяці. Дылан жыў больш чым у 300 мілях ад месца здарэння і сцвярджаў, што ніколі не быў у тым раёне.
Цяпер Дылан падаў іск супраць некалькіх праваахоўных ведамстваў. У іску сцвярджаецца, што паліцыя не праверыла відавочныя доказы ягонай невінаватасці, у тым дадзеныя аб месцазнаходжанні аўтамабіляў і якасць выявы, якая выкарыстоўвалася для распазнавання.
Праваабаронцы папярэджваюць, што такія памылкі становяцца сістэмнай праблемай. Паводле Адама Шварца з Electronic Frontier Foundation, гэта ўжо як мінімум 14-ты вядомы выпадак памылковага арышту праз тэхналогіі распазнавання твараў.
«Гэта тэхналогія занадта небяспечная, каб праваахоўныя органы ўвогуле ёй карысталіся», — сказаў Шварц. Ён адзначыў, што большасць вядомых памылковых арыштаў часцей за ўсё датычыць цемнаскурых грамадзянаў.
Паліцыя Джэксанвіла адкідае меркаванні пра тое, што тэхналогія дыскрымінуе людзей з пэўным колерам скуры. Аднак крытыкі лічаць, што праблема не толькі ў алгарытмах, але і ў тым, што паліцэйскія занадта часта ўспрымаюць вынік ШІ як доказ, а не як падставу для дадатковай праверкі.
Релоцировались? Теперь вы можете комментировать без верификации аккаунта.
vibeправосудие