Прэзідэнт ЗША Джо Байдэн падпісаў дыскусійны закон. Калі мацярынская кітайская кампанія ByteDance не прадасць праграмы на працягу года, то сацсетку заблакуюць на тэрыторыі краіны.
Прэзідэнт ЗША Джо Байдэн падпісаў дыскусійны закон. Калі мацярынская кітайская кампанія ByteDance не прадасць праграмы на працягу года, то сацсетку заблакуюць на тэрыторыі краіны.
Цяпер кампанія мае дзевяць месяцаў, каб знайсці пакупніка, які не трапляе пад юрысдыкцыю КНР. У выпадку, калі органы-рэгулятары ўбачаць прагрэс у выкананні патрабаванняў наконт продажу, то гэты тэрмін можа быць прадоўжаны на тры месяцы. Эксперты мяркуюць, што кітайскі ўрад націсне на ByteDance, і тая адмовіцца прадаваць сацсетку.
Генеральны дырэктар TikTok Шоу Зі Чу Хаўрэк заявіў, што кампанія плануе аспрэчыць закон у судзе. Гэта прывядзе да таго, што тэрмін выканання патрабаванняў закона будзе прыпынены на час судовых разглядаў. Таксама няяснымі застаюцца ўмовы продажу сацсеткі: ці мае гэта быць уся платформа, ці толькі амерыканскі бізнэс кампаніі.
«Будзьце ўпэўненыя, мы нікуды не падзенемся <…> Факты і канстытуцыя на нашым баку, і мы разлічваем зноў атрымаць перамогу», — заявіў Чу ў кароткім відэа, якое было апублікаванае пасля падпісання закона. Згодна з дакументам, продаж мае адбыцца да 19 студзеня 2025 года.
«Мы будзем аспрэчваць гэтую неканстытуцыйную забарону і будзем працягваць інвеставаць і ўкараняць інавацыі, каб гарантаваць, што TikTok застанецца прасторай, куды амерыканцы ўсіх слаёў грамадства могуць бяспечна прыходзіць, каб падзяліцца сваім вопытам, знайсці радасць і натхніцца. Не памыляйцеся, гэта забарона. Забарона на TikTok і забарона на вас і ваш голас», — сказаў прадстаўнік кампаніі Алекс Хаўрэк.
Рэлацыраваліся? Цяпер вы можаце каментаваць без верыфікацыі акаўнта.