Тэлеграм-канал беларускага МЗС апублікаваў карысны пост пра тое, як павінны ўязджаць у Беларусь і выязджаць з яе беларускія грамадзяне з пашпартамі іншых краін і без актуальнага роднага пашпарта.
Тэлеграм-канал беларускага МЗС апублікаваў карысны пост пра тое, як павінны ўязджаць у Беларусь і выязджаць з яе беларускія грамадзяне з пашпартамі іншых краін і без актуальнага роднага пашпарта.
Паводле закона «Аб грамадзянстве Рэспублікі Беларусь» ад 1 жніўня 2002 года, за грамадзянамі Беларусі не прызнаецца прыналежнасць да грамадзянства замежнай дзяржавы.
Гэта значыць, што нават калі ў грамадзяніна Беларусі ёсць яшчэ і іншае грамадзянства, перасякаць мяжу Беларусі ён абавязаны па беларускім пашпарце.
Калі ў беларуса за мяжой няма дзейснага беларускага пашпарта — у тым ліку калі ў дакумента скончыўся тэрмін дзеяння, калі ён непрыдатны для выкарыстання або страчаны, — то трэба звярнуцца ў беларускую амбасаду або консульства і аформіць пасведчанне на вяртанне. Яно пацвярджае права на аднаразовы ўезд у Беларусь, аднак назад па ім ужо не выпусцяць.
Асобна ў ведамстве растлумачылі пра дзяцей беларусаў — гэта асабліва датычыць тых, хто з’явіўся на свет за межамі краіны. Калі на дзень нараджэння дзіцяці хаця б адзін з ягоных бацькоў з’яўляўся грамадзянінам Беларусі, то дзіця набывае грамадзянства Беларусі па нараджэнні незалежна ад месца нараджэння.
Рэлацыраваліся? Цяпер вы можаце каментаваць без верыфікацыі акаўнта.
А что поменялось?