На мяжы з Польшчай набліжаецца калапс
Апошнія некалькі дзён на мяжы з Польшчай складаецца складаная сітуацыя. Чарга аўто на выезд з Беларусі расце як на дражджах і за суткі павялічылася больш чым на траціну.
Калі 22 красавіка ў пункце пропуску «Тэрэспаль» («Брэст») было каля 900 машын, то ўжо сёння раніцай сітуацыя наблізілася да калапсу.
Менш чым за суткі колькасць транспарту значна перавысіла тысячу. Па апошніх дадзеных Дзяржпагранкамітэта, выезду з Беларусі чакаюць 1317 аўтамабіляў.
Рэзкі рост чаргі аўтамабіляў на мяжы з Польшчай зафіксаваны пасля Вялікадня. Калі да свята выехаць з краіны хацелі ўсяго 170 легкавых машын, то за некалькі дзён іх колькасць вырасла ў некалькі разоў.
Пакуль сітуацыя кантраляваная, але правесці ў чарзе давядзецца не адну гадзіну. Такая ж сітуацыя назіралася перад Вялікаднем, але ў супрацьлеглым напрамку.
Читать на dev.by