«Найгоршая мадэль OpenAI»: кампанія выпусціла GPT-4.2 Astra і Sol. Распрацоўшчыкі незадаволеныя
Кампанія выпусціла GPT-6.2 Astra і Sol з рэкорднымі вынікамі ў тэстах. Але першыя водгукі распрацоўшчыкаў аказаліся неадназначнымі: некаторыя назвалі мадэлі практычна непрыдатнымі для працы.
Кампанія выпусціла GPT-6.2 Astra і Sol з рэкорднымі вынікамі ў тэстах. Але першыя водгукі распрацоўшчыкаў аказаліся неадназначнымі: некаторыя назвалі мадэлі практычна непрыдатнымі для працы.
GPT-6.2 Astra разлічана на складаныя прафесійныя задачы, у тым праграмаванне, стварэнне дакументаў і працу з камп’ютарам. GPT-6.2 Sol пазіцыянуецца як больш даступная мадэль для штодзённай працы.
Паводле дадзеных OpenAI, Astra пераўзышла папярэднюю GPT-6 Astra на 5,2 працэнтнага пункта ў тэсце Agents' Last Exam, які ацэньвае выкананне складаных шматэтапных задач. Пры гэтым кошт выканання задання аказаўся больш чым утрая ніжэйшым.
У іншых тэстах кампанія таксама заяўляе пра паляпшэнні ў праграмаванні, навуковых даследаваннях, стварэнні прэзентацый, табліц і 3D-праектаў.
Аднак першыя водгукі аказаліся далёка не такімі ўзьнёслымі, піша VentureBeat. Інвестар і былы кіраўнік HyperWrite AI Мэт Шумер расказаў, што тэставаў абедзве мадэлі да рэлізу і застаўся вельмі расчараваным. «У мяне быў жахлівы досвед тэставання. Карыстацца імі было практычна немагчыма. Я не раю гэтыя мадэлі», — напісаў ён у X.
Паводле Шумера, калі ён даручаў Astra задачы ў якасці дапаможнага ШІ-агента, мадэлі Claude, якія кантралявалі яе працу, у выніку перарабляліі вынік. Прадпрымальнік нават адмовіўся ад падрабязнага агляду, хоць звычайна публікуе іх пасля буйных рэлізаў OpenAI.
Распрацоўшчык і ютуб-блогер Тэа Браўн аказаўся яшчэ катэгарычнейшым. «Думаю, гэта горшая мадэль, якую калі-небудзь выпускала OpenAI», — заявіў ён пра GPT-6.2 Astra.
Браўн прывёў прыклад свайго праекта па перапісванні кампілятара TypeScript на Rust. Паводле яго, Astra працавала над задачай сем дзён, але так і не змагла дасягнуць паляпшэнняў. Створаная ёю версія аказалася на 56% павольнейшай за зыходную. Пасля просьбы засяродзіцца на прадукцыйнасці мадэль змарнавала яшчэ чатыры дні без прыкметнага выніку.
Кітайскія ШІ-мадэлі вельми добра ўзломваюць сеткі амаль на ўзроўні OpenAI
Пры гэтым распрацоўшчык прызнаў, што Astra добра спраўлялася з праверкай кода, знаходзіла памылкі, якія прапускалі канкурэнты, і паказала моцныя вынікі пры стварэнні гульняў і 3D-праектаў. Але для штодзённай распрацоўкі ён па-ранейшаму аддае перавагу Claude Opus 5.5.
Неадназначныя ўражанні засталіся і ў прафесара Уортанскай школы бізнесу Ітана Моліка. «Я карыстаўся GPT-6.2 Astra да запуску і зразумеў, што яна вельмі нестабільная і дзіўная», — напісаў ён. Паводле Моліка, кіраваць мадэллю было складаней, чым канкурэнтамі. Аднак калі ён папрасіў яе з нуля стварыць сімулятар касмічнага ліфта ў Blender і Unity, Astra справілася з задачай.
Каманда выдання Every, некалькі тыдняў тэставаўшая абедзве навінкі, сутыкнулася з падобнымі праблемамі. Паводле кіраўніка праекта Дэна Шыпера, Astra часам спыняла працу, не завяршыўшы праект. Яе імкненне адказваць коратка таксама прыводзіла да таго, што ў тэкстах не хапала важных тлумачэнняў.
У той жа час тэсціроўшчыкі адзначылі добрую якасць дызайну. Іншыя спецыялісты станоўча ацанілі магчымасці Astra ў анімацыі, візуальных эфектах і рэдагаванні відэа з дапамогай ШІ-агентаў.
OpenAI таксама знізіла кошт GPT-6.2 Astra ў API на 20% у параўнанні з папярэдніцай. Цяпер мільён уваходных токенаў каштуе $8, выходных — $40. GPT-6.2 Sol захавала цэны папярэдняй версіі: $2 і $10 адпаведна. Абедзве мадэлі даступныя праз API, а таксама ў ChatGPT Work і Codex карыстальнікам падтрымліваемых платных тарыфаў.
Релоцировались? Теперь вы можете комментировать без верификации аккаунта.