Кіраўнік Nvidia Джэнсэн Хуанг лічыць, што грамадству давядзецца адаптавацца да штучнага інтэлекту і выпрацаваць новыя правілы паводзінаў з гэтай тэхналогіяй.
Кіраўнік Nvidia Джэнсэн Хуанг лічыць, што грамадству давядзецца адаптавацца да штучнага інтэлекту і выпрацаваць новыя правілы паводзінаў з гэтай тэхналогіяй.
«Нам трэба стварыць новыя сацыяльныя нормы», — заявіў Хуанг. Паводле яго, людзям не варта пазбягаць ШІ: «Я б параіў усім выкарыстоўваць ШІ. Проста пачніце з ім узаемадзейнічаць».
Паводле кіраўніка Nvidia, ШІ ўжо зніжае тэхналагічны бар’ер для карыстальнікаў. Цяпер людзі могуць ствараць сайты, аналізаваць складаныя дакументы, займацца даследаваннямі або планаваць рамонт кухні без навыкаў праграмавання.
Хуанг параўнаў адаптацыю да ШІ з тым, як грамадства калісь адаптавалася да аўтамабіляў. Машыны таксама ўспрымаліся як небяспечная тэхналогія, але з часам з’явіліся тратуары, пешаходныя пераходы і новыя правілы паводзін на дарогах.
Пры гэтым спікер прызнаў, што ШІ патрабуе рэгулявання і стандартаў бяспекі. Асабліва важнай ён назваў бяспеку: «Нацыянальная бяспека заўсёды павінна быць галоўным прыярытэтам для ўсіх тэхналогій». Але, паводле Хуанга, улады павінны дакладна тлумачыць, якія менавіта рызыкі яны спрабуюць абмежаваць, перш чым уводзіць экспартны кантроль.
Гэта заява прагучала на фоне ўзмацнення палітыкі ЗША ў дачыненні да ШІ. Адміністрацыя Дональда Трампа нядаўна ўвяла экспартныя абмежаванні супраць новых мадэляў Anthropic, пасля чаго кампанія закрыла публічны доступ да іх.
Хуанг скептычна паставіўся да ідэі, што дзяржава павінна валодаць долямі ў ШІ-кампаніях, каб грамадства шырэй удзельнічала ў прыбытку ад ШІ-буму. Такую ідэю раней абмяркоўвалі Дональд Трамп, сенатар Берні Сандэрс і кіраўнік OpenAI Сэм Альтман.
«Я не зусім разумею, чаго яны спрабуюць дасягнуць», — сказаў Хуанг. Паводле ягонага меркавання, амерыканцы ўжо атрымліваюць выгаду ад поспеху ШІ-кампаній праз рост кошту акцый, падаткі і стварэнне працоўных месцаў.
Кіраўнік Nvidia таксама лічыць, што галоўным абмежаваннем для развіцця ШІ ў ЗША можа стаць недахоп энергіі. Датацэнтры для ШІ патрабуюць усё больш электрычнасці, і гэта стварае нагрузку на энергасістэму.
«ЗША жудасна адстаюць у вытворчасці энергіі», — заявіў Хуанг. Па меркаванні эксперта, краіна занадта доўга абмяжоўвала развіццё энергетыкі, а без дадатковых магутнасцяў будзе складаней захоўваць лідарства ў ШІ-інфраструктуры, мадэлях і чыпах.
Релоцировались? Теперь вы можете комментировать без верификации аккаунта.