Сацсеткі становяцца новай папулярнай пляцоўкай для распаўсюджвання наркотыкаў, адзначаюць эксперты і праваахоўныя органы. Калі раней продаж наркотыкаў вёўся праз даркнэт або на вуліцах, то цяпер гандаль актыўна перамяшчаецца на платформы накшталт Instagram, Snapchat, X, а таксама ў месенджары Telegram і WhatsApp.
Сацсеткі становяцца новай папулярнай пляцоўкай для распаўсюджвання наркотыкаў, адзначаюць эксперты і праваахоўныя органы. Калі раней продаж наркотыкаў вёўся праз даркнэт або на вуліцах, то цяпер гандаль актыўна перамяшчаецца на платформы накшталт Instagram, Snapchat, X, а таксама ў месенджары Telegram і WhatsApp.
Даследаванні паказваюць, што папулярнасць сацсетак для гандлю наркотыкамі апошнія гады расце. Напрыклад, у Ірландыі ў 2021 годзе 20% пакупак наркотыкаў здзяйснялася праз сацсеткі. У ЗША ў 2018 годзе каля 10% маладых людзей, што ўжываюць наркотыкі, знаходзілі дылераў праз інтэрнэт. Сёння гэтыя лічбы нашмат вышэйшыя. Дылеры сталі выкарыстоўваць магчымасці прасоўвання сваіх тавараў, аплачваючы спансаваныя публікацыі ў сацсетках.
Колькасць угод на даркнэце скарачаецца, сацсеткі становяцца асноўнай пляцоўкай для рознічных продажаў. Аднак гэты зрух выклікае трывогу ў экспертаў: на платформы прыходзіць уразлівейшая аўдыторыя, уключаючы падлеткаў. Спецыялісты адзначаюць, што сацыяльныя сеткі не толькі спрашчаюць доступ да наркотыкаў, але і ствараюць ілюзію іх бяспекі. Даследаванні паказваюць, што падлеткі, якія бачаць такія аб’явы, у 17 разоў часцей купляюць наркотыкі праз сацсеткі.
Wired паведамляе, што для абыходу алгарытмаў дылеры выкарыстоўваюць эмодзі. Напрыклад, сняжынкі, снегавікі і снегапады пазначаюць какаін, сэрцайкі і маланкі — MDMA, а вінаград і бутэлечкі для кармлення — кадэінавыя сіропы. Простая дастаўка робіць гэты спосаб пакупкі зручным, а часам і бяспечным для карыстальнікаў, выключаючы рызыку сутыкненняў на вуліцах.
Упраўленне па барацьбе з наркотыкамі ЗША (DEA) папярэджвае, што картэлі выкарыстоўваюць сацсеткі для прамога доступу да карыстальнікаў, праз што дылераў складаней выявіць. «Сацыяльныя сеткі пашыраюць доступ картэляў проста да тэлефонаў карыстальнікаў, што можа мець фатальныя наступствы», — гаворыцца ў справаздачы DEA за 2024 год.
Сацыяльныя сеткі заяўляюць аб мерах па барацьбе з наркагандлем. Meta, напрыклад, выдаліла 9,3 мільёна публікацый, звязаных з наркотыкамі, за 2024 год. Аднак дзеянні платформаў часта закранаюць і невінаватых, уключаючы акаўнты арганізацый, якія займаюцца прафілактыкай шкоды ад наркотыкаў, і карыстальнікаў, якія публікуюць адукацыйны кантэнт.
Спецыялісты папярэджваюць, што большы кантроль на адной платформе толькі перамяшчае дылераў на іншыя, падтрымліваючы рынак. «Адзіны спосаб перамагчы такія рынкі ў доўгатэрміновай перспектыве — гэта легалізаваць і рэгуляваць іх», — лічыць аналітык Transform Drug Policy Foundation Стыў Ролс.
Рэлацыраваліся? Цяпер вы можаце каментаваць без верыфікацыі акаўнта.