NASA анансавала фірмовы стрымінгавы сэрвіс

Новы сэрвіс будзе бясплатны. Таксама на ім не будзе рэкламы. Карыстальнікі змогуць глядзець прамыя трансляцыі і серыялы пра касмічныя місіі агенцтва. Акрамя таго, NASA плануе зняць некалькі арыгінальных праектаў. NASA+ будзе даступны праз праграму на iOS і Android, у вэб-версіі на сайце NASA і на прыстаўках Roku, Apple TV і Fire TV.

Акрамя гэтага, касмічнае агенцтва займаецца апгрэйдам свайго сайта і мабільнай праграмы, каб забяспечыць карыстальнікам зручны доступ да свайго кантэнту і інфармацыі пра свае падраздзяленні, місіі і даследчыя праграмы. Абноўлены сайт даступны па спасылцы https://beta.nasa.gov/.