NASA паказала 12-гадовы таймлапс Сусвету, зняты тэлескопам

Тэлескоп быў запушчаны на калязямную арбіту 14 снежня 2009 года. Апарат склейвае здымкі зорнага неба прыкладна за шэсць месяцаў. Навукоўцы апублікавалі ўжо 18 поўных карт зорнага неба, бачнага ў тэлескоп. У сакавіку 2023 года будуць апублікаваныя 19-я і 20-я карты. З папярэдніх набораў даследчыкі стварылі 18-кадравы фільм пра змены, якія адбываюцца ў Сусвеце.

WISE здольны выяўляць аб’екты са зменнай яркасцю, куды ўваходзяць выбухі звышновых, таксама існуе магчымасць адсочваць рух аб’ектаў у прасторы, а не толькі на плоскасці неба. Такія назіранні дапамагаюць у вывучэнні паводзін чорных дзірак, якія мы можам назіраць толькі паводле ўскосных звестак — траекторый зорак і прыкмет іх гравітацыйнага ўздзеяння.

Місія WISE завяршылася ў 2011 годзе, калі на борце тэлескопа скончылася астуджальная вадкасць, неабходная для інфрачырвоных назіранняў. Некаторыя прыборы ўсё яшчэ працавалі, і NASA перапрафілявала апарат для адсочвання астэроідаў і іншых калязямных аб’ектаў, даўшы яму новае імя NEOWISE.