Нацбанк патлумачыў, чаму адбыўся збой са спісаннямі. БПЦ рыхтуе новыя перабоі
Намеснік старшыні праўлення Нацбанка Андрэй Картун патлумачыў прычыны тэхнічнага збою 9 ліпеня, калі ў карыстальнікаў некалькіх беларускіх банкаў раптоўна сышлі ў мінус балансы па картках, планавымі апгрэйдамі інфраструктуры.
«Сапраўды, учора раніцай у сістэме адбыўся тэхнічны збой. Ён быў звязаны з чарговым планавым абнаўленнем сістэмы і закрануў пэўныя банкі. Многія маглі ўбачыць адмоўны баланс ці нейкае спісанне грашовых сродкаў», — сказаў Картун.
Ён дадаў, што ўжо ўчора Нацбанк паведаміў пра поўнае аднаўленне працаздольнасці сістэмы. І банкі таксама праінфармавалі, што выправілі ўсе памылкі.
«Грошы нікуды не зніклі. Ніхто іх не спісваў. Гэта не была вірусная атака ці ўзлом, а пэўны тэхнічны збой пры чарговым абнаўленні сістэмы. Маглі пацярпець усе, у тым ліку супрацоўнікі Нацыянальнага банка, Беларускага міжбанкаўскага разліковага цэнтра і звычайныя грамадзяне», — дадаў чыноўнік.
Банкаўскі працэсінгавы цэнтр запланаваў новыя тэхналагічныя працы ноччу 12 ліпеня. На гэты раз беларусаў вырашылі папярэдзіць, што могуць быць перапынкі ў абслугоўванні — паведамленне з’явілася на сайце Белінвестбанка.
«З 02:00 да 02:30 магчымыя перапынкі ў працы сэрвісу „SMS-апавяшчэнне“, уключаючы рассылку спецыяльных паведамленняў (дастаўка CVV, PIN, кодаў для дадатковай аўтэнтыфікацыі пры правядзенні аперацый у сетцы Інтэрнэт, кодаў актывацыі плацежных дадаткаў і інш.). Таксама з 03:00 да 03:20 і з 04:00 да 05:00 магчымыя перапынкі ў абслугоўванні трымальнікаў плацежных картак у сетцы арганізацый гандлю і сэрвісу, пунктах выдачы наяўных, прыладах самаабслугоўвання, банкаматах», — гаворыцца ў паведамленні.
Читать на dev.by