Аддзел навін bel 13 чэрвеня 2025, 12:56

У Нацбанку патлумачылі, навошта Беларусі лічбавы рубель

Кіраўнік Нацыянальнага банка Раман Галаўчэнка ў інтэрв’ю «СБ. Беларусь сёння» распавёў пра тэрміны запуску лічбавага беларускага рубля і мэтах праекта.

Пакінуць каментарый

У Нацбанку патлумачылі, навошта Беларусі лічбавы рубель

Кіраўнік Нацыянальнага банка Раман Галаўчэнка ў інтэрв’ю «СБ. Беларусь сёння» распавёў пра тэрміны запуску лічбавага беларускага рубля і мэтах праекта.

Па яго словах, гэта не проста даніна модзе, а стратэгічная неабходнасць. «Увесь свет рухаецца ў бок лічбавых нацыянальных валют, і мы не можам заставацца ўбаку, інакш давядзецца карыстацца чужымі лічбавымі грашыма», — сказаў Галаўчэнка.

Кіраўнік Нацбанка нагадаў, што праца над праектам стартавала яшчэ ў 2022 годзе. І назваў яго мэты. Іх тры.

«Галоўныя мэты — гэта, па-першае, умацаванне нашага плацежнага суверэнітэту. Па-другое, гэта новы тэхналагічны ўзровень для плацежнай сістэмы, якая будзе працаваць у тым ліку на тэхналогіі блокчэйн. І па-трэцяе, гэта зніжэнне выдаткаў пры разліках — як для прадпрыемстваў у знешнім гандлі, так і для звычайных плацяжоў унутры краіны», — патлумачыў чыноўнік.

Ён дадаў, што лічбавы рубель пачнуць паступова ўкараняць ужо да сярэдзіны 2026 года. Гэта зробіць фінансавыя аперацыі яшчэ больш хуткімі, зручнымі і бяспечнымі.