Паводле паведамлення Нацбанка, у апошні час у кліентаў асобных банкаў краіны назіраюцца цяжкасці з выкарыстаннем Apple Pay. У сувязі з гэтым рэгулятар заклікаў беларусаў пераходзіць на беларускае: «Грамадзяне, карыстайцеся нацыянальнымі плацежнымі інструментамі і сэрвісамі!» — напісаў ён у сябе ў Telegram.
Паводле паведамлення Нацбанка, у апошні час у кліентаў асобных банкаў краіны назіраюцца цяжкасці з выкарыстаннем Apple Pay. У сувязі з гэтым рэгулятар заклікаў беларусаў пераходзіць на беларускае: «Грамадзяне, карыстайцеся нацыянальнымі плацежнымі інструментамі і сэрвісамі!» — напісаў ён у сябе ў Telegram.
«Беларускія банкі не могуць наўпрост уплываць на палітыку і аперацыйныя рашэнні замежных плацежных сэрвісаў. Тым не менш нашы банкі вядуць актыўную працу, каб мінімізаваць нязручнасці для сваіх кліентаў і аднавіць магчымасць выкарыстання сэрвісу», — сказаў у каментары БелТА начальнік галоўнага кіравання плацежнай сістэмы і лічбавых тэхналогій Нацбанка Антон Падрэз.
У якасці альтэрнатывы ён прапанаваў пры аплаце тавараў і паслуг карыстацца картамі «Белкарт» і айчыннымі плацежнымі інструментамі БЕЛКАРТ PAY і E-pos. Адзначаецца, што яны валодаюць не меншай функцыянальнасцю ўнутры краіны, а за іх бесперабойную працу адказвае Нацбанк і беларускія банкі.
Падрэз таксама расказаў, што Нацбанк пашырае функцыянал сістэмы імгненных плацяжоў. Карыстальнікі змогуць выконваць плацяжы па QR-кодзе на карысць юрасоб і ІП у рэальным часе.
«Паколькі плацяжы будуць ісці праз сістэму імгненных плацяжоў Нацбанка, грошы паступяць атрымальніку ў рэжыме рэальнага часу нават у выходныя і святочныя дні. А гэта абарачальнасць грашовых сродкаў, даступная ліквіднасць, скарачэнне касавых разрываў арганізацыі», — адзначыў Падрэз.
Релоцировались? Теперь вы можете комментировать без верификации аккаунта.
Самагонкай разлічвацца прапануюць?)
Працоўныя калектывы патрабуюць увядзенне адзінай сістэмы Чучхэ-Pay!