Асабістыя пераводы беларусаў у 1 квартале 2025 года дасягнулі рэкорднага сезоннага значэння і перавысілі дакавідны ўзровень. Пра гэта піша myfin.by са спасылкай на статыстыку Нацбанка.
Асабістыя пераводы беларусаў у 1 квартале 2025 года дасягнулі рэкорднага сезоннага значэння і перавысілі дакавідны ўзровень. Пра гэта піша myfin.by са спасылкай на статыстыку Нацбанка.
Атрыманыя асабістыя пераводы ў 1 квартале склалі $250,4 млн — на 30,1% больш, чым за аналагічны перыяд 2024 года. Для параўнання, у 4 квартале мінулага года лічба дасягала $258,6 млн.
Паступленні ў выглядзе чыстай аплаты працы (за вылікам падаткаў і іншых выдаткаў) выраслі ў параўнанні з 1 кварталам 2024 года на 33,6% да $145,5 млн, асабістыя трансферты — на 25,7% да 104,8 млн.
Выплачаныя за мяжу асабістыя пераводы ў 1 квартале выраслі ў 2,3 разы ў параўнанні са студзенем-сакавіком мінулага года з $26,6 млн да $60,3 млн, што таксама з’яўляецца сезонным рэкордам. З гэтай сумы чыстая аплата працы склала $43,2 млн — у 3,6 разы больш, чым годам раней, а асабістыя трансферты — $17,1 млн (+16,3%).
Як адзначае выданне, аб’ём асабістых пераводаў, якія паступаюць у Беларусь, прыкметна скараціўся пасля пандэміі. Калі ў 2017 годзе іх сума дасягала рэкордныя $1112,7 млн, то ў 2020-м — усяго $740,8 млн, у 2022-м — $1106,6 млн, а ў 2024-м — $929,4 млн. Такая дынаміка часткова тлумачыцца складанасцямі з пераводам грошай і ростам выдаткаў на камісіі і канвертацыю валюты. У Беларусі не працуюць некаторыя папулярныя міжнародныя сістэмы пераводаў, частка айчынных банкаў абмежавалі ці перасталі выкарыстоўваць SWIFT для валютных плацяжоў. Тым не менш цалкам трансгранічныя пераводы паступова растуць. Часткова іх патокі пераарыентаваліся на іншыя краіны і новыя сэрвісы.
Рэлацыраваліся? Цяпер вы можаце каментаваць без верыфікацыі акаўнта.