Карыстальнік Reddit з нікам u/Jeguetelli распавёў, што пашкодзіў камеру свайго iPhone 16 Pro Max, калі спрабаваў сфатаграфаваць з блізкай адлегласці электракар Volvo EX90. Падчас здымкаў лідар аўтамабіля быў актыўны, і на матрыцы смартфона пачалі з’яўляцца плямы, якія выпаліў лазер. Камера аднаўленню не падлягае.
Карыстальнік Reddit з нікам u/Jeguetelli распавёў, што пашкодзіў камеру свайго iPhone 16 Pro Max, калі спрабаваў сфатаграфаваць з блізкай адлегласці электракар Volvo EX90. Падчас здымкаў лідар аўтамабіля быў актыўны, і на матрыцы смартфона пачалі з’яўляцца плямы, якія выпаліў лазер. Камера аднаўленню не падлягае.
Звычайна вытворцы электрамабіляў з лідарамі папярэджваюць пра недапушчальнасць падобных дзеянняў. Але звычайныя мінакі могуць гэтага не ведаць, што падвяргае іх рызыцы.
Never film the new Ex90 because you will break your cell camera.Lidar lasers burn your camera.
byu/Jeguetelli inVolvo
Магутнасць выпраменьвання лідараў змяншаецца па меры павелічэння адлегласці ад крыніцы святла да аб’екта сканавання. На блізкай адлегласці лазер лідара можа быць небяспечны не толькі для камер самых розных прылад — ад смартфонаў да сістэм назірання і камер на іншых аўтамабілях — але і для зроку чалавека. На лазерах і нават на лазерных паказальніках заўсёды пазначаецца, што нельга накіроўваць прамень у вочы. Лазер лідара нябачны, але можа нанесці шкоду гэтак жа, як і прамень у бачнымі спектры.
Аўтару паста на Reddit камеру заменяць па гарантыі, але так можа пашанцаваць не ўсім. Таму здымаць аўтамабілі з лідарамі, каб не сапсаваць гаджэт, лепш не варта.
У каментарыях карыстальнікі форума пішуць, што прычын для панікі няма, бо так сябе паводзіць канкрэтны тып лідара з даўжынёй хвалі 1550 нм, а ён выкарыстоўваецца не ва ўсіх аўтамабілях. Акрамя таго, каб матрыца атрымала такое пашкоджанне, трэба здымаць вельмі блізка да лідара.
Рэлацыраваліся? Цяпер вы можаце каментаваць без верыфікацыі акаўнта.