Google паспрабавала аптымізаваць яшчэ адзін унутраны працэс з дапамогай ШІ, але крыху перастаралася. Супрацоўнікі амерыканскіх офісаў кампаніі даведаліся, што для афармлення медыцынскай страхоўкі цяпер павінны даць доступ да сваіх дадзеных старонняму ШІ-сэрвісу. Без гэтага, паводле ўнутраных дакументаў, яны наогул не змогуць удзельнічаць у праграме медстрахавання.
Google паспрабавала аптымізаваць яшчэ адзін унутраны працэс з дапамогай ШІ, але крыху перастаралася. Супрацоўнікі амерыканскіх офісаў кампаніі даведаліся, што для афармлення медыцынскай страхоўкі цяпер павінны даць доступ да сваіх дадзеных старонняму ШІ-сэрвісу. Без гэтага, паводле ўнутраных дакументаў, яны наогул не змогуць удзельнічаць у праграме медстрахавання.
Гаворка ішла пра платформу Nayya, якая на аснове інфармацыі аб здароўі і звычках карыстальніка падказвае, якія страхоўкі і льготы абраць. Google падала інструмент як спосаб «лепш арыентавацца ў шырокіх пакетах медыцынскіх опцый». Але ў дакументах, якія патрапілі да журналістаў Business Insider, значылася, што калі супрацоўнік адмовіцца дзяліцца дадзенымі з Nayya, то аўтаматычна страціць доступ да страхоўкі ад мацярынскай Alphabet.
У кампаніі паднялася хваля незадавальнення. У чатах і на карпаратыўнай пляцоўцы Memegen супрацоўнікі называлі новаўвядзенне сумнеўным прымусам.
Пасля публікацыі артыкула Google хутка змяніла фармулёўку на HR-партале. Яна ўдакладніла, што яе намеры былі няправільна адлюстраваны ў першапачатковым тэксце і што супрацоўнікі могуць не дзяліцца дадзенымі і пры гэтым без праблем аформіць страхоўку.
У Google падкрэслілі, што інструмент Nayya «добраахвотны» і прайшоў унутраную праверку бяспекі. Калі супрацоўнік вырашыць ім карыстацца, сэрвіс атрымае толькі мінімальныя дэмаграфічныя дадзеныя і зможа дадаткова запытваць іншую інфармацыю па жаданні карыстальніка.
Але сам факт, што такая палітыка наогул з’явілася, прымусіў многіх насцярожыцца. Усё больш буйных карпарацый ад Meta да Microsoft укараняюць ШІ-інструменты ў працу з персаналам, уключаючы медстрахоўкі. Google таксама актыўна прасоўвае ШІ, але, відавочна, не вельмі ўмее адрозніваць, дзе заканчваецца «аптымізацыя» і пачынаецца ціск на супрацоўнікаў.
Рэлацыраваліся? Цяпер вы можаце каментаваць без верыфікацыі акаўнта.