Аддзел навін 25 сакавіка 2025, 15:21

Не толькі ў астатнім свеце: у ЗША зафіксавана 35%-нае падзенне продажаў Tesla

Tesla імкліва губляе рынкі Еўропы, Кітая, Аўстраліі. У цэлым па Еўропе ў студзені яе продажы ўпалі на 45%. Больш за 94% немцаў не будуць купляць электракары Маска. Цяпер праблемы ў кампаніі зафіксаваны і на хатнім рынку.

Пакінуць каментарый

Не толькі ў астатнім свеце: у ЗША зафіксавана 35%-нае падзенне продажаў Tesla

Tesla імкліва губляе рынкі Еўропы, Кітая, Аўстраліі. У цэлым па Еўропе ў студзені яе продажы ўпалі на 45%. Больш за 94% немцаў не будуць купляць электракары Маска. Цяпер праблемы ў кампаніі зафіксаваны і на хатнім рынку.

Як піша FOX 5 San Diego, лютаўскія продажы Tesla ў акрузе Сан-Дыега аказаліся на 35% ніжэй у параўнанні з лютым 2024 года.

Business Insider сабраў дадзеныя па продажах Tesla ў розных краінах у лютым:

Аўстралія — мінус 71% год да года;
Германія — мінус 76%;
Швецыя — мінус 42%;
Данія і Нарвегія — мінус 48%;
Францыя — мінус 26%;
Кітай — мінус 49%;
ЗША — мінус 11%.

Каціроўкі аўтавытворцы ўпалі з прыкладна $480 на піку ў снежні да $222 у пачатку сакавіка (праўда, ужо выраслі да прыкладна $280). Яны адлюстроўваюць настрой інвестараў і наступствы пратэстаў супраць масавых звальненняў, якія праходзяць сярод дзяржаўных служачых з ініцыятывы Дэпартамента эфектыўнасці ўрада. Яго, як і Tesla, узначальвае Ілан Маск. Актывісты патрабуюць распусціць DOGE, выгнаць Маска і вярнуць уладу Кангрэсу.

А вось як падтрымліваюць айчынных вытворцаў электрамабіляў у Кітаі. Як адзначае InsideEVs, у BYD продажы ў краіне ў лютым выраслі на 161%, хоць кампанія акрамя чыста электрычных аўто выпускае гібрыды. Xiaomi пачала прадаваць свой першы электрамабіль — седан SU7 — толькі ў мінулым сакавіку. Але за 2024 год яна паспела прадаць у Кітаі больш ээлектракараў, чым BMW, GM ці Toyota.