«Не бачу праблем плаціць падаткі». Фрылансер з заробкам 12+ тыс. еўра расказаў пра выдаткі ў Польшчы

— Мне 36 гадоў, я з усходняй Украіны, мой родны горад акупаваны і разбураны. Цяпер жыву ва Уроцлаве, працую DevOps інжынерам на фрылансе, таксама займаюся інфраструктурай, бяспекай, маніторынгам, CICD.

Зарабляю 12-14 тысяч еўра на месяц. Падаходны падатак на месяц выходзіць на 7,5-8 тысяч злотых (1740-1860 еўраў). ZUS апошні раз быў каля 1700 злотых (каля 390 еўра), але потым будзе пераразлік і даплата.

Самы вялікі расход — гэта жытло. На яго на месяц сыходзіць 5800 злотых (каля 1350 еўра). Я б сказаў, што мы не эканомім, але і не трацім бяздумна; калі штосьці трэба купіць, то купляем. 

З інвестыцый ёсць крыпта, пакуль у добрым плюсе на цяперашнім яе буме. І яшчэ індэксы ETF S&P 500.

Збіраю на сваё жытло. Але асноўная праблема ў тым, што я хачу іпатэку, а карты побыту мы ўсё яшчэ чакаем (дакладней, я атрымаў пластык за 1,5 года, а жонка яшчэ не).

Дзяржмедыцына ва Украіне была горшай

— Дзяржаўнай медыцынай я тут яшчэ не карыстаўся, але адзін раз пабываў з цяжарнай жонкай у SOR (аддзяленне неадкладнай медыцынскай дапамогі).

У нас быў не крытычны выпадак, але нас прынялі на працягу гадзіны-паўтара і пачалі рабіць аналізы і абследавання (мы абое плацім ZUS).

Я б не сказаў, што медыцына тут паскудная, у нас дзяржаўная ва Украіне была горшай, як на мяне. Калі асабіста мне штосьці трэба, то хаджу ў прыватныя клінікі. Але мне сказалі, што калі штосьці сур’ёзнае, то толькі дзяржаўныя ўстановы.

Не бачу праблем у тым, каб плаціць падаткі і на медыцыну. На маю думку, лепш забяспечваць сабе старасць самастойна. Таму — інвестыцыі, ашчаджанні, крыпта і рваць жылы, каб усё гэта зарабіць.

Пакуль укладваюся ў Vanguard і BlackRock ETF. Абраў, бо гэта вялікія стабільныя фонды з высокім капіталам і нізкім адсоткам за абслугоўванне.

Купля жытла ў якасці інвестыцыі? Нерухомасць у адзін момант можа стаць пылам. Таму — не.