Аддзел навін 27 сакавіка 2025, 17:03

«Не ведаў, што яны публічныя»: СЕО Nvidia выбачыўся за абвал квантавых кампаній у студзені

У студзені генеральны дырэктар Nvidia Джэнсэн Хуанг заявіў, што карысныя квантавыя камп’ютары з’явяцца на рынку не раней чым праз 15 гадоў, а, хутчэй за ўсё — праз 20 гадоў. Прагноз справакаваў падзенне біржавых каціровак галіны. На мінулым тыдні, падчас Quantum Day у межах штогадовай ШІ-канферэнцыі GTC Conference, якую праводзіць Nvidia, ён дапусціў, што памыліўся.

Пакінуць каментарый

У студзені генеральны дырэктар Nvidia Джэнсэн Хуанг заявіў, што карысныя квантавыя камп’ютары з’явяцца на рынку не раней чым праз 15 гадоў, а, хутчэй за ўсё — праз 20 гадоў. Прагноз справакаваў падзенне біржавых каціровак галіны. На мінулым тыдні, падчас Quantum Day у межах штогадовай ШІ-канферэнцыі GTC Conference, якую праводзіць Nvidia, ён дапусціў, што памыліўся.

«Гэта першае мерапрыемства ў гісторыі, якое генеральны дырэктар кампаніі арганізаваў для таго, каб патлумачыць, чаму ён не меў рацыі», — адзначыў Хуанг.

Прадпрымальнік правёў паралель паміж раннімі квантавымі кампаніямі, якія пакуль не прыносяць прыбытку, і развіццём Nvidia. Паводле яго слоў, Nvidia спатрэбілася больш за 20 гадоў, каб узрасціць бізнес па распрацоўцы ПЗ і абсталявання.

Таксама ён здзівіўся, што яго каментарыі могуць страсаць рынкі, і пажартаваў, што не думаў, што квантавыя кампаніі ўжо гандлююцца на біржы: «Хіба могуць квантавыя кампаніі быць публічнымі?»

Як піша CNBC, на мерапрыемстве прысутнічалі прадстаўнікі 12 квантавых кампаній і стартапаў. Гэта стала свайго роду замірэннем паміж Nvidia, якая спецыялізуецца на традыцыйных камп’ютарах, і квантавай індустрыяй. Некаторыя з гэтых кампаній рэзка адрэагавалі на студзеньскія прагнозы Хуанга. Таксама на івент завіталі прадстаўнікі Microsoft і Amazon Web Services, якія таксама інвестуюць у гэтую сферу.

«Безумоўна, квантавыя вылічэнні маюць патэнцыял, і мы спадзяваемся, што яны будуць мець каласальны эфект. Але гэтая тэхналогія шалёна складаная», — дадаў Хуанг.

На мінулым тыдні Nvidia абвясціла пра планы пабудаваць даследчы цэнтр у Бостане, дзе квантавыя кампаніі змогуць супрацоўнічаць са спецыялістамі з Гарварда і MIT.