Evolution Gaming — распрацоўшчык гульняў для анлайн-казіно — да канца года закрые офіс распрацоўкі ў Мінску. Пра гэта беларускую каманду апавясціў у сваім лісце CEO Марцін Карлсунд.
Evolution Gaming — распрацоўшчык гульняў для анлайн-казіно — да канца года закрые офіс распрацоўкі ў Мінску. Пра гэта беларускую каманду апавясціў у сваім лісце CEO Марцін Карлсунд.
Як вынікае з ліста, топ-менеджмент Evolution Gaming прыняў рашэнне закрыць офіс, прааналізаваўшы ўмовы працы ў Мінску.
«У цяперашняй палітычнай і сацыяльнай нявызначанасці ў Беларусі мы, на жаль, не гарантуем, што зможам выступаць у якасці добрага працадаўцы для нашых супрацоўнікаў», — гаворыцца ў лісце.
Па словах CEO, рашэнне закрыць офіс «было няпростае». «Два гады таму мы адкрылі мінскі хаб з намерам зрабіць яго адным з найбуйнейшых інжынерных хабаў у Еўропе. І дагэтуль спадзяваліся, што не давядзецца мяняць нашых амбіцыйных планаў».
Да канца гэтага года мінская каманда мае скончыць усе праекты, якія знаходзяцца ў завяршальнай стадыі. Астатнія праекты плануецца перадаць інжынерным камандам у іншых лакацыях.
Закрыццё мінскага офіса закране каля 80 спецыялістаў. Паводле інфармацыі dev.by, ім прапанавалі рэлакейт у польскі офіс кампаніі, куды за мінулы і гэты год ужо пераехала шмат спецыялістаў з Беларусі. У прыватнасці, у лінкедзіне мы знайшлі профілі 170+ работнікаў Evolution Gaming, якія пазначылі Польшчу ў якасці актуальнай лакацыі. На сайце кампаніі размешчана каля 20 вакансій для працы ў Варшаве (і ніводнай — для працы ў Беларусі).
Што праўда, рэлакавацца супрацоўнікі могуць толькі за свой кошт. «Фінансавую падтрымку пры пераездзе скасавалі каля паўгода як. Кампанія толькі дапаможа з афармленнем дакументаў. Заробак даюць вышэйшы, ніж у Беларусі, але па вялікім рахунку гэтая розніца пакрывае падаткі», — распавёў адзін з супрацоўнікаў.
Мінскі офіс распрацоўкі Evolution Gaming адкрыўся ў 2019 годзе. У тым жа годзе беларуская юрыдычная асоба «Эвалюшн Продактс Дэвелапмент» стала рэзідэнтам ПВТ (і працягвае заставацца). У студзені 2020 года Head of Engineering Operations кампаніі распавяла, чаму казіно-гігант абраў Беларусь і якія планы ў мінскага офіса.
Увесну гэтага года з’явіліся перадумовы да сыходу Evolution Gaming з Беларусі. Кампанія абвясціла аб маштабнай рэарганізацыі працы. У выніку ў групе кампаній у інжынерных дэпартаментах была ліквідаваная пасада Process Master. Такую пазіцыю займалі каля 20 супрацоўнікаў, частка з іх працавала ў Беларусі. Адначасова пачаў плаўна расфарміроўвацца мінскі офіс. Частка супрацоўнікаў рэлакавалася, частка была звольненая. Пад скарачэнне, у прыватнасці, трапілі каля 20-25 чалавек з каманд QA.
Па словах крыніцы, «кіраўніцтва патлумачыла гэта тым, што каманда мае быць у адной лакацыі. Гэтай лакацыяй выбралі Рыгу/Варшаву. Нам паведамілі, што тэарэтычна мы можам сваімі сіламі пераехаць у Польшчу і прайсці сумоўе ў іншую каманду, але для гэтага мае быць адкрытая пазіцыя. І наогул палітыка змянілася (у пачатку вайны прапаноўвалі рэлакейт усім), і яны імкнуцца закрываць вакансіі мясцовымі спецыялістамі».
«Эвалюшн Продактс Дэвелапмент» пакуль яшчэ дзейная юрыдычная асоба. Але на сайце Evolution Gaming у пераліку лакацый мы не знайшлі Беларусі.
Evolution Gaming заснаваная ў 2006 годзе ў Швецыі. Асноўная спецыялізацыя — распрацоўка гульняў для гэмблінгу, у тым ліку з удзелам жывых дылераў (анлайн-гульцы могуць далучыцца да тых, хто ў гэты момант гуляе ў звычайным казіно).
У кампаніі ёсць прадстаўніцтвы ў 10+ краінах. У 2019 годзе кампанія адкрыла офіс распрацоўкі ў Мінску. У Беларусі працавала больш за 170 спецыялістаў, ва ўсіх лакацыях — больш за 15 тысяч. Акцыі Evolution Gaming каціруюцца на фондавай біржы Nasdaq.
Па выніках 2022 года аперацыйныя даходы Evolution выраслі на 36% да 1,5 мільярда еўра, прыбытак — амаль на 39% да 908,3 мільёна еўра. Кампанія за мінулы год выпусціла 88 новых прадуктаў, сёлета плануецца выпусціць больш за 100 гульняў.
За 2022–2023 гады некалькі дзясяткаў розных ІТ-кампаній закрылі/прадалі свой бізнэс у Беларусі і сышлі з краіны. Сярод іх шмат вядомых, у прыватнасці:
Большасць з іх прапанавалі супрацоўнікам опцыю рэлакейту і ўзялі на сябе частку выдаткаў. (Толькі 14% удзельнікаў нашага рэсёрчу ў ліпені 2022 — 5000 анкет — адзначылі, што ў іх кампаніях няма рэлакейту.)
Большасць ІТ-кампаній з топ-50 пакуль захавалі бізнэс у Беларусі, але колькасць супрацоўнікаў, якія працуюць у офісах у РБ, за апошнія паўтара года скарацілася, паводле нашых ацэнак, у 1,5-2 разы. Напрыклад, найбуйнейшая ІТ-кампанія Беларусі EPAM «страціла» прыкладна палову штату. Амаль на столькі ж скарацілася беларуская каманда iTechArt. Мінскі офіс Exadel скараціўся амаль у 5 разоў.
Паводле звестак афіцыйнай статыстыкі і нашых разлікаў, ад студзеня 2022 года ІТ-сектар страціў каля 22 тысяч спецыялістаў. Тут мы параўналі маштабы дзвюх хваляў рэлакейту — пасля 2020-га і пасля 24 лютага 2022.
dev.by, як і іншым сумленным медыя, сёння вельмі складана: рэдакцыя працуе па-за межамі краіны, а нашыя рэкламныя даходы скараціліся ў некалькі разоў. Але мы даем рады — з вашай дапамогай. Гэта вы дзеліцеся з намі інфанагодамі, думкамі, досведам, часам, увагай і данатамі.
І яшчэ крыптой, тут кашалькі.
Дзякуй, што прачыталі гэтае паведамленне.
Рэлацыраваліся? Цяпер вы можаце каментаваць без верыфікацыі акаўнта.
Стандартное. Энди12345, вроде же должны были посчитать деньги и ломиться в Беларусь куча заказчиков? Или это только в твоей конторе они под дверью ночуют?
Ведь с февраля 2022 ситуация хуже не стала.
ну и хорошо. лотереи должны диме принадлежать нечего тут обманывать народ западным конторкам
не твои, вот ты и бесишься :)
горжусь Президентом - успешных сыновей воспитал
Ничего страшного, *енис Душилин инвестиции с казино МММ привезет
Каментарый скрыты за парушэнне правілаў каментавання.
[censored - П. 4.1.2. Пользовательского соглашения — https://devby.io/pages/polzovatelskoe-soglashenie]
Судя по комментариям, в сфере гемблинга своя атмосфера
Чем больше у казино проблем, тем лучше. Ненавижу вашу сферу и всеми фибрами души надеюсь, что карма вас настигла и вы останетесь без компании и денег, а люди, согласившиеся на вас работать - без работы и денег, а в идеале - еще и с долгами.
Карыстальнік адрэдагаваў каментарый 21 верасня 2023, 18:13
а в чем проблема сферы? то, что люди не могут себя контролировать - это их проблемы. Все прекрасно понимают, что это все игра на удачу. проклинаете вы так же создателей дезодорантов и себя заодно, за то что их продукт уничтожает озоновый слой? или быть может отказались от кожанных изделий, т к дубильные вещества загрязняют общую планету? Или может быть отказались от мяса, т к животновотчество одно из самых грязных производств, разрушающее окружающие природные ландшафты? Тут хотя бы вред конкретно одному человеку - который не может контролировать свой азарт. Так что бойтесь лучше своей кармы. Она точно так же бьет по тому, кто проклинает
По этой логике и в героине нет проблем. То, что люди не могут себя контролировать - их проблемы. (Если что дисклеймер: героин это очень плохо, наркотики зло, это была иллюстрация глупости аргумента в комментарии выше)
Да и в ограблениях по сути ничего такого нет. То, что человек не может банально защитить своё барахло - его проблемы.
Карыстальнік адрэдагаваў каментарый 22 верасня 2023, 08:00
ну как раз героин и в медицине используется
И из этого следует, что в героине нет проблем, а если у кого-то есть с ним проблемы, то это только его вина, и хейтить героин и его производителей и продавцов не за что? Это не моя логика, это Ваша логика.
Про ограбления Вы предпочли не заметить