Netflix упершыню апублікаваў статыстыку праглядаў: 93 млрд гадзін на 18 000 фільмаў

У файле пазначаныя гадзіны прагляду для ўсіх арыгінальных і ліцэнзійных тайтлаў, якія набралі больш за 50 тысяч гадзін прагляду. У табліцы за перыяд ад студзеня да чэрвеня 2023 года значыцца 18 214 запісаў.

Больш за 3800+ назваў маюць крыху менш за 100 тысяч гадзін прагляду кожная, тады як 10 000+ назваў праглядалі не менш за 1 мільён гадзін. 55% праглядаў Netflix прыпадае на арыгінальныя фільмы і серыялы, а 45% — на ліцэнзаваныя назвы.

Сярод серыялаў лідзіраваў першы сезон шпіёнскага трылера «Начны агент» (812 100 000 гадзін). На другім месцы другі сезон драмы «Джыні і Джорджыя» (665 100 000 гадзін). На трэцім месцы знаходзіцца першы сезон «Славы» (622 800 000 гадзін).

Таксама ў спісе значацца серыял «Уэнсдэй» (507 700 000 гадзін) і абмежаваны прыквел «Каралева Шарлота: Гісторыя Брыджэртанаў» (503 000 000 гадзін).

Самым папулярным фільмам стаў баявік з Джэй Ло «Маці» (249 900 000 гадзін), карціна заняла 20 месца сярод усіх шоу стрымінгу. «Лютэр: Загінулае сонца» з Ідрысам Эльбам (209 700 000 гадзін) заняў 26 месца, «Аперацыя „Фартуна“: Мастацтва перамагаць» (201 800 000 гадзін) на 29-м.