Нідэрланды больш не будуць на загад ЗША абмяжоўваць пастаўкі абсталявання для вытворчасці чыпаў Кітаю
Нідэрланды не будуць на адзін толькі загад ЗША забараняць экспарт тэхналогій для вытворчасці чыпаў у Кітай. Такую заяву ў нядзелю зрабіла міністарка гандлю краіны Лізье Шрайнемахер у эфіры аднаго з мясцовых тэлеканалаў, піша South China Morning Post. На сёння прызначаны візіт нідэрландскага прэм’ер-міністра ў ЗША, дзе ён абмяркуе экспартную палітыку з Джо Байдэнам.
Літаграфічнае абсталяванне, пра якое вядзецца гаворка, выпускае кампанія ASML. Пад ціскам ЗША ўлады Нідэрландаў ад 2019 года не выдалі ёй ніводнага дазволу на пастаўку самых перадавых узораў Кітаю. Аднак кампанія прадае ў азіяцкую краіну менш сучаснае абсталяванне — напрыклад, толькі за 2021 год сума паставак склала €2 млрд.
У кастрычніку 2022 года ў ЗША запрацавалі экспартныя абмежаванні, мэтай якіх было ўскладніць вытворчасць уласных паўправаднікоў для Кітая. У ЗША чакалі, што аналагічныя меры неўзабаве ўвядуць Нідэрланды і Японія. ASML тады казала, што новыя амерыканскія правілы маглі закрануць каля 5% яе продажаў.
Шрайнемахер адзначыла, што гэтыя новаўвядзенні «памянялі правілы гульні» ў галіне. Яна дадала, што ў далейшым Нідэрланды не будуць уводзіць будзь-якія абмежаванні на патрабаванне ЗША, а толькі пасля кансультацый з еўрапейскімі і азіяцкімі партнёрамі, у тым ліку з Германіі, Францыі, Паўднёвай Карэі, Тайваня і Японіі. Міністарка падкрэсліла, што ў пастаўках эканамічна зацікаўленая Германія — ключавы пастаўшчык ASML.
Падчас выступу на пасяджэнні Еўрапарламента ў лістападзе Шрайнемахер прызнала, што Нідэрландам было выгадней страціць паўправадніковы рынак ЗША, чым Кітая.
Читать на dev.by